Un total de 4.000 lucenses maiores de 50 anos se beneficiaron dos descontos da Deputación nos balnearios da provincia. Trátanse dos participantes nas catro edicións de Termalismo no Camiño, o programa da institución que impulsa o benestar social e o turismo medioambiental ao ofrecer prazas subvencionadas nestes establecementos, situados ao pé das rutas de peregrinación que transcorren por Lugo.
Vén de rematar a cuarta convocatoria desta programación cun novo éxito, posto que contou coa participación dun milleiro de persoas, que se engaden ás 3.000 que o fixeron nas edicións anteriores. Todas elas contaron con descontos en tratamentos termais nos balnearios da capital luguesa, Palas de Rei, Pantón e Guitiriz grazas aos fondos europeos que captou o organismo provincial.
Estes catro establecementos ofreceron paquetes, que a Deputación subvencionou con 50 euros, facendo que os prezos baixasen ata os 80 euros sen estancia e os 180 con elas. Algúns dos paquetes ofrecidos foron: 5 pensións completas; 6 días con 5 noites de estancia; día de entrada o domingo, incluídos cea e aloxamento; día de saída o venres, incluídos almorzo, comida e 8 técnicas de balneario, entre outros.
Beneficios de 126 millóns
Con Termalismo no Camiño, a Deputación pontencia un sector clave da economía, como é o termal, que xera emprego no rural e combate o despoboamento demográfico. Mostra disto son as 150.000 persoas que visitán anualmente Galicia para beneficiarse da súa riqueza mineromedicinal, posto que conta con 7 dos 8 tipos de augas medicinais, xerando beneficios de 126 millóns de euros ao ano. Lugo conta, a maiores, con balnearios o pé dos 800 quilómetros de rutas de peregrinación, convertendo á provincia nun destino de indubidable interese para este tipo de turismo.
Requisitos
A Deputación fixo un concurso público para a adxudicación das prazas subvencionadas do programa Termalismo no Camiño, ao que puideron optar, tal e como recolleron as bases publicadas no BOP, os balnearios da provincia que empreguen augas mineromedicinais declaradas de utilidade pública con fins terapéuticos e preventivos para a saúde, segundo establécese na lei de regulación de augas minerais, termais e de manancial da Comunidade galega. Outros requisitos adicionais fixados polo organismo provincial aos balnearios lucenses foron: non ter solicitado a declaración de concurso voluntario; estar ao corrente no cumprimento das obrigas tributarias; non estar sancionados mediante resolución firme coa perda de obter subvencións ou non estar declarados insolventes ou en concurso. En base a isto, resultaron beneficiados, en primeiro lugar, o Hotel Balneario de Lugo Termas Romanas; o Hotel Balneario Río Pambre; e o OCA Augas Santas Balneario & Golf Resort. O balneario de Guitiriz incorporouse ao programa posteriormente, unha vez que deixou de estar en concurso.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
