Lugo, 24 de febreiro de 2015. A Rede A Galiña Azul abre dende este martes o prazo para a presentación de solicitudes de praza para o curso 2015-2016. Para o vindeiro curso ofértanse na provincia de Lugo un total de 971 prazas.
O prazo para a presentación de solicitudes de renovación de praza ou de novo ingreso pecharase o 23 de marzo, as listas provisionais de admitidos publicaranse o día 5 de maio e as listas definitivas, o día 29 de maio. O prazo para formalizar a matrícula dos nenos e nenas admitidos será dende o 1 ata o 10 de xuño, ambos os dous incluídos. O curso comezará o 4 de setembro.
Como novidade, a delegada territorial, Raquel Arias, salientou que a partir do vindeiro mes de setembro incorporarase á rede autonómica A Galiña Azul a escola de Meira e que contará con 41 prazas.
Explicou asimesmo que nestes intres está en execución outra escola en Burela, que tamén disporá de 41 prazas, e que se está a planificar a posta en funcionamento doutra máis, en colaboración coa Fundación Amancio Ortega, neste caso en Lugo cidade.
Novidades no procedemento
Cabe salientar tamén algunhas novidades no procedemento de matrícula. Así, equipararase a situación laboral das familias monoparentais coas das familias nas que os cativos conviven cun só proxenitor. Neste caso, adxudícase a puntuación que corresponda como dous.
Outra novidade é que se terán en conta as variacións económicas na renda da unidade familiar ata o momento de presentación de solicitudes. Ata agora era necesario manter estas variacións durante un período de catro meses para ser valoradas. Grazas a esta modificación, as familias que vexan diminuídos os seus ingresos nun 20%, verán incrementada a súa puntuación para o acceso a unha praza e diminuída a cota mensual a aboar.
Tamén se mantén a situación prevista na orde do ano pasado de que as solicitudes presentadas fóra de prazo con xustificación se admitirán ata a data anterior á publicación da relación provisional de admitidos/as (5 de maio) co fin de concretar e unificar prazos en toda Galicia. Ao igual que o ano pasado, a documentación para optar a cheque infantil presentarase coa solicitudes de praza nas escolas, co obxectivo de axilizar a súa tramitación.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
