Bruxelas, 24 Febreiro 2015. Logo de termos asistido a como o Goberno español está a impoñer reformas orientadas a encarecer o acceso ao estudo reducindo orzamento, eliminando bolsas ou ca nova estratexia de incrementar o custo da educación universitaria aumentando os tempos a través do “Decreto 3+2”, o interese do Partido Popular por dificultar o acceso ao ensino por parte das clases traballadoras está a ser cada vez máis explícito, ben acubillados nesta lexislatura na súa maioría parlamentaria.
A eurodeputada de Alternativa Galega de Esquerda en Europa (AGEe) vén de denunciar esta semana a través de preguntas parlamentarias diante da Comisión Europea (CE) e do Consello de Ministros/as da UE, que a reforma educativa imposta polo Estado “está a precarizar o ensino público”, ao tempo que “promove o ensino privado”. Ademais, trasladou ás institucións comunitarias que “a comunidade universitaria afirma que esta reforma implica a elitización da universidade pública, o encarecemento do ensino superior e o despido masivo de profesoras/es”.
Lídia Senra lembrou á Comisión Europea que xa en xuño do pasado ano sinalou a través da Recomendación COM (2014) 410 a “inadecuación da educación en España para o mercado de traballo”, e solicitou a súa valoración ao respeito da insultante argumentación esgrimida polo Estado cando indirectamente alega que a precarización da Universidade derivada desta reforma pode ser positiva á hora de introducir á mocidade no mercado de traballo.
Aliás, a eurodeputada galega inqueriu tamén ao Consello de Ministros sobre a actitude do Goberno estatal, cuestionando que a promoción da entrada de capital privado no ensino público realizada polo Partido Popular estea en consonancia cos catro obxetivos do Marco estratéxico para a cooperación europea no ámbito da educación e da formación, publicado polo Consello no ano 2009.
Dende Alternativa Galega de Esquerda queremos amosar tamén non so o noso apoio ás mobilizacións do estudantado que terán lugar en todo o País o vindeiro xoves 26, senón tamén expresar “o orgullo de termos unha mocidade combativa e consciente, disposta a loitar unida por recuperar un dos dereitos máis fundamentais para as persoas e os pobos, o dereito a un ensino público, gratuíto e de calidade no que se estableza, como ben reivindica a nosa mocidade, un modelo de ensinanza popular, científico, antipatriarcal e galego”, reivindicou a eurodeputada de AGEe.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
