BURELA (FNC) .- A Oficina de Turismo de Burela rexistrou nestes pasados meses, segundo e edil José González Legazpi, “unha afluencia de visitantes de proporcións algo superiores ao pasado verán, representando en computo global que ao remate do mes de agosto estiveron interesándose polo concello de Burela e tamén pola comarca da Mariña, algo máis de 4.700 persoas. Máis de 1.900 visitaron o barco museo Reina del Carmen, polo que pasaron nalgunha soa xornada máis de 100 visitantes”. O concelleiro de Turismo destaca que “a procedencia maioritariamente é da nosa comunidade autónoma, principalmente do eixe atlántico, seguida de Asturias, é tamén moi representativa a afluencia de persoas dende a capital de España, e do norte peninsular, concretamente de Cantabria e País Vasco, pero tamén de Castela-Leon ou Cataluña, e algún outro país de ámbito internacional”.
González Legazpi tamén subliña que “as visitas guiadas a igrexa de Vila do Medio para coñecer a súa historia e as pinturas do século XVI de orixe gótico que se teñen establecido este verán durante dous días a semana, está a representar tamén un interese turístico para o concello, téndose acercado un importante número de visitantes cada día. Tamén é de destacar de igual xeito a mobilidade experimentada na área de autocaravanas, de distintas procedencias, principalmente da zona de Levante, o que representa evidentemente indicadores favorables para o afianzamento turístico de Burela”.
O concelleiro de Turismo manifesta que “estes indicadores favorables, en tanto que determinan claramente o afirmativo resultado dos procesos que se veñen realizando cara a divulgación e participación en distintos certames e medios de influencia, que fan posible o achegamento de visitantes ao noso concello, así como a implantación de medios de intercomunicación e novas tecnoloxías para favorecer a nosa presenza, xunto co desenvolvementos de políticas encamiñadas á valorización e mellora dos recursos turísticos do concello , xa que logo o turismo representa unha parte importante da economía municipal en canto que posibilita accións de desenvolvemento para os distintos sectores económicos de Burela”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
