Veiga solicita a Juárez que de a cara diante dos propietarios forestais
O BNG solicitará nos Plenos da Mariña a retirada da madeira derrubada do Klaus
O Bloque Nacionalista Galego vai apresentar no conxunto dos Concellos da Mariña unha moción a fin de que os Plenos das Corporación se dirixen a Consellaría de Medio Rural a fin de que se proceda a retirar por parte da Xunta a madeira derrubada polo ciclón Klaus e que a día de hoxe segue amoreada nos montes da Comarca.
A referida iniciativa xurde da situación de abandono na que se atopan os nosos montes e do incumprimento por parte do Goberno Galego dos compromisos adquiridos entre este na etapa do bipartito e dos propietarios forestais nunha xuntanza da Mesa da Madeira para avaliar as consecuencias do Klaus.
Segundo informou o Responsábel-Portavoz Comarcal do BNG, Antonio Veiga, a actitude da Xunta en relación con este tema non é un feito illado senón que evidencia ás claras o modus operandi do Goberno de Feijoo. Isto é un Goberno ausente que a medio da propaganda agocha a súa inactividade e a falta de compromiso cos problemas reais dos Mariñáns.
A este respecto, continua Veiga, non deixan de ser curiosas as palabras da Portavoz de Agricultura do PP, Enma Álvarez, que non só recoñeceu en declaración recentes aos medios recoñeceu que efectivamente o Goberno Galego non só está incumprindo os compromisos adquiridos cos propietarios forestais da Mariña, senón que vai máis alá cando afirma que a día de hoxe só se retirou o 10% da madeira derrubada polo Klaus.
“O PP non pode mirar para outro lado é dicir que aquí non pasa nada, a non ser que tras esta decisión se agochen os intereses dos grandes grupos empresariais que operan no sector forestal en réxime de oligopolio”, declara Veiga que considera que o Goberno Feijoo é un goberno ao servizo dos poderosos e dos grupos empresariais foráneos.
Xa por último o Portavoz Comarcal do BNG esixiu que a Consellaría de a cara neste tema e non utilice a interpostos para explicar as súas propostas en relación con este tema, posto que os propietarios forestais da Mariña están agardando unha resposta do Conselleiro e non dos señores obedientes do grupo parlamentario do PP.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
