BURELA (FNC) .- As Concellarías de Benestar Social e Comercio de Burela inician hoxe a súa campaña de Volta ao cole por terceiro ano consecutivo coa que pretenden axudar ás familias e incentivar tamén as compras nos establecementos bureleses.
A concelleira de Benestar, Neves Cando, explicou que “por terceiro ano consecutivo as Concellarías de Benestar Social e Comercio de Burela iniciamos a campaña de Volta ao cole cos obxectivos un ano máis de axudar ás familias no comezo do curso con todos os gastos que disto se derivan e por outro lado, incentivar que as compras se realicen aquí en Burela”.
Neves Cando sinalou que “igual que outros anos os destinatarios destas axudas son as familias con fillos e fillas de entre 0 e 16 anos censados en Burela e a contía de axuda será de 40 euros por cada neno ou nena que presente factura por un importe superior a estes 40 euros e que se refira a material escolar, material deportivo, roupa ou calzado mercados en establecementos comerciais de Burela. Estas facturas deberán de corresponderse con compras efectuadas dende hoxe, día 10, comezo do curso escolar, ata o día 20 de outubro e o prazo para presentar estas solicitudes coas facturas será durante todo o mes de outubro”.
A edil nacionalista lembrou que “é o terceiro ano consecutivo que damos estas axudas ás familias de Burela e facendo balance dos anos anteriores temos que destacar que é un importante esforzo económico para o Concello pero tamén un importante aporte para o noso comercio que viu, durante estes anos, recuperar moita clientela que antes marchaba fóra para facer estas compras de comezo de curso. No ano 2007 presentáronse 966 solicitudes de axudas e concedéronse 949, o que supuxo un aporte municipal de 33.215 euros. O ano pasado, 2008, presentáronse 1008 solicitudes e concedéronse 1001, sendo o montante de axudas de 40.040 euros”.
Cando segue a relatar que “dende as Delegacións de Benestar e Comercio apostamos polas nosas familias e por iso un ano máis queremos ofrecerlles esta pequena axuda e máis neste comezo de curso 2009-2010 no que moitas familias de Burela non terán os libros de texto gratis porque o actual goberno do Partido Popular na Xunta de Galicia eliminou a gratuidade anterior e substituiuna por un sistema de axudas que non van chegar nin ao 30% das familias galegas apelando sí, á crise e a unha suposta austeridade do señor Feijóo que, sen embargo, gasta 190.000 euros en propaganda sobre esta campaña dos libros de texto, gasta máis de 20.000 euros en cambiar a imaxe das galescolas, gasta 200.000 na enquisa sobre a nosa lingua e gasta millóns de euros nun contrato novo para os programas informáticos da Xunta mentras que o anterior goberno apostaba polo software libre e gratuito”.
A edil de Benestar engadiu que “todos estes cartos que despilfarra o goberno do Partido Popular na Xunta servirían para continuar coa gratuidade dos libros de textos para todas as familias galegas, algo que non quere facer o Partido Popular, pero nós sí imos apoiar na medida das nosas modestas posibilidades ás nosas familias agora que a Xunta de Galicia do Partido Papular lles da as costas gastando en propaganda e non no ensino e nas familias”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
