Trabada, 1 de maio de 2015.- O actual alcalde e candidato á reelección polo Partido Popular en Trabada, José Manuel Yanes Ginzo, deu a coñecer este venres a candidatura íntegra que o acompaña de cara aos próximos comicios electorais de maio. Trátase dunha aposta “continuista” para revalidar a súa maioría absoluta.
O popular explicou que repiten, respecto á última lexislatura e na mesma orde, as persoas que ocupan os cinco primeiros postos da candidatura; mentres que só hai catro novas incorporacións na lista do Partido Popular de Trabada.
“Trátase dunha candidatura integrada por xente nova, cunha media de idade de 40 anos”, asegurou Yanes Ginzo, quen dixo que se está ante “unha campaña moi complicada, e hai que traballar en firme para sacar adiante proxectos que nos propuxemos e que a falta de recursos nos impediu materializar”.
Lexislatura complexa
O actual rexedor e candidato popular, que deu a coñecer a candidatura ao completo no Restaurante Villapol de Trabada, fixo un repaso por esta última lexislatura á que cualificou de “moi complexa”.
Neste senso, o popular engadiu que “dado os escasos recursos dos que dispuxemos, centrámonos en atender os servizos básicos e importantes para a cidadanía, en especial os sociais, e máis nunha poboación moi envellecida”.
Así, Yanes Ginzo evidenciou o castigo ao que a Deputación de Lugo somete ao concello de Trabada; a quen non prestou o apoio en servizos sociais tal e como a obriga a lei, e que derivou nun maior esforzo inversor do Concello nesta área.
A falta de compromiso da administración provincial (PSOE e BNG) con Trabada tamén se mostra no ámbito do emprego (discriminou a este concello do seu plan de emprego) e na rede viaria provincial, que presenta un completo estado de abandono.
A maiores, o candidato popular puxo de manifesto a necesidade de reducir gastos correntes e ganar así máis fondos para investir. Neste senso, resaltou as importantes actuacións levadas a cabo en aforro enerxético, e que permitirá na próxima lexislatura reducir este gasto ata nun 50%.
Pola súa banda, o secretario xeral dos populares lucenses, José Manuel Balseiro, destacou da candidatura a súa experiencia, o que considera un valor importante para darlle continuidade a un proxecto comprometido cos veciños.
Candidatura
1.- José Manuel Yanes Ginzo
2.- Juan Francisco López Prieto
3.- Manuel Gallo García
4.- Manuel Varela Fernández
5.- Lucía Fernández Fernández
6.- Iván Fernández Teijo
7.- José Hugo Fernández Varas
8.- Francisco Rodríguez Gasalla
9.- Beatriz García Santamarina
Suplentes
1.- Martín Fernández Fernández
2.- Oliva Lombardero Rey
3.- Félix Antonio López Díaz
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
