RIBADEO (FNC) .- O Concello de Ribadeo convoca 4 prazas de profesores da Escola Municipal de Música e Danza para as materias de violoncello-contrabaixo, acordeón, canto e danza-ballet. O contrato realizarase pola modalidade de obra ou servizo determinado a tempo parcial para o curso escolar 2009-2010.
Entre os requisitos específicos que se esixen figuran ter a titulación correspondente ao grao medio de música e danza ou calquera das titulacións sinaladas na Circular 12/2006 pola que se establecen as titulacións que deberá posuír o profesorado que imparta a docencia nas Escolas de Música e Danza da Comunidade Autónoma de Galicia.
Os interesados terán que realizar unha proba consistente na presentación e posterior exposición oral dunha programación didáctica para o curso escolar de acordo co instrumento ou asignatura á que opten. A presentación desta programación deberá ser entregada no Rexistro de Entradas do Concello de Ribadeo antes do vindeiro 22 de setembro ás 14:00 horas. E a proba de selección do persoal levarase a cabo o día 23 de setembro ás 11:00 horas na Casa do Concello.
ÚLTIMA HORA
- Ribadeo será escenario do 22 ao 27 de xuño do Campus de Tecnificación Breogán The Basket Dream
- O BNG destaca en Riotorto o valor do rural e o traballo dos ferreiros
- Lourenzá mantén viva a tradición do Maio cun desfile e a Festa Campesiña o 1 de maio
- A Xunta destaca Riotorto como epicentro da artesanía do ferro
- A deputada de Cultura, Iria Castro, asistiu este domingo á Feira da Artesanía do Ferro de Riotorto, organizada pola Asociación para a Promoción Social dos Ferreiros. Participou no acto inaugural, con pregón do actor Luis Besteiro, e visitou as demostracións dos ferreiros locais e doutros puntos de Galicia e España
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”. - O vicepresidente da Deputación Efrén Castro achegouse este domingo á Camovi de Viveiro, que reuniu un milleiro de corredoras e corredores nas diferentes probas que se celebraron durante a fin de semana -C42K, C21K,C10K, C42K RELEVOS, Camovi KIDS e unha andaina-
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular" - O Centiño enche Marzán cunha nova representación de “O Autobús”
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada - O Deputado de Medio Ambiente, Carlos López, participou este sábado xunto ao Alcalde de Negueira de Muñiz, José Manuel Braña, nos actos da XVI edición da Festa do Viño, que reuniu a centos de persoas neste municipio e que se consolida como referente do calendario enolóxico da provincia
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación. - O Festival da Ostra de Castropol 2026 celebrarase do 30 de abril ao 3 de maio
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - A subdelegada do Goberno en Lugo, Olimpia López, asistiu este mércores en Vilalba á saída da segunda etapa de O Gran Camiño 2026, que conectou a Terra Chá coa Mariña lucense
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados. - O vindeiro mes de maio celebrarase no concello de El Franco a primeira Feira de Xardinería do Occidente, un evento pioneiro en Asturias que porá o broche final a un mes cheo de actividades
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
2021 Crónica 3 A Mariña - Implementado por GaliciaDigital