Santiago de Compostela, 27 de maio de 15. O Pleno do Parlamento aprobou este mércores por unanimidade unha proposición non de Lei do Grupo Socialista para que a Xunta se dirixa ao goberno central e lle pida que demande a Noruega fronte ao Tribunal Europeo de Dereitos Humanos polo seu trato aos mariñeiros galegos xubilados.
O portavoz de Pesca do Grupo Socialista, José Ramón Val, instou ao goberno galego a cumprir efectivamente esta proposta, por canto é a segunda vez que é aprobada e o goberno central ten renunciado publicamente a presentar a demanda. Os mariñeiros vense desamparando e obrigados a presentar demandas particulares sen ter en moitos casos nin recursos económicos nin tempo material para afrontar un proceso tan longo.
Val Alonso esixiulle a Feijóo que “aproveite unha das súas viaxes a Madrid para presentarlle esta demanda a Rajoy” e abandone o seu desinterese pola situación deste colectivo. Sinalou que “no día de onte celebrouse no Ministerio de Asuntos Exteriores unha xuntanza á que non acudiu ningún representante do goberno galego”, malia que tiña o mandato parlamentario de implicarse con esta situación.
Os socialistas puxeron o foco sobre a situación destes en torno a 8.000 mariñeiros, que faenaron en buques noruegueses dende os anos 60 ata mediados os 90, e que veñen reclamando, a través da asociación Long Hope, o recoñecemento por parte daquel país dos anos traballados a bordo dos seus buques.
Estes mariñeiros atópanse hoxe co feito de que, logo de ter traballado pagando taxas e impostos en Noruega como calquera outro cidadán, o goberno noruegués utiliza o subterfuxio de que carecían da condición de residentes no país para non recoñecer o seu traballo. Deste xeito, aqueles anos non computan á hora de calcular as prestacións de xubilación en España.
O parlamentario socialista lembra que a propia UE recoñece un problema de desamparo legal para este colectivo e “ten proposto a negociación dun convenio bilateral con carácter retroactivo entre os dous países sobre o que nada se ten avanzado”. Os socialistas galegos consideran que Noruega está a vulnerar o Convenio Europeo de Dereitos Humanos ao discriminalos por razón de nacionalidade.
Iniciativa aprobada:
“O Parlamento de Galicia insta ao Goberno galego a que se dirixa ao Goberno do Estado para que presente unha demanda diante do Tribunal Europeo de Dereitos Humanos contra o Estado noruegués por incumprir o Convenio Europeo de dereitos Humanos en canto á vulneración da prohibición de discriminación por razón de nacionalidade”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
