18 de xuño de 2015.- Cinco dos oito equipos finalistas da XIII edición do programa educativo sobre xestión empresarial RetoAlcoa, son Galegos. Na final, que se celebra mañá en Madrid, estarán os equipos lucenses “Hunters” do IES Río Cabé e “TEIMU” do IES Ribadeo Dionisio Gamallo, os coruñeses “Sthenos” do IES de Sabón e “As Bolechas” do IES Eusebio Da Guarda, e o equipo ourensán “Pujole” do IES Xermán Ancochea Quevedo da Pobra de Trives. Todos eles competirán na final con outros finalistas procedentes de catro comunidades autónomas.
Despois de cinco meses de desenvolvemento do programa nas aulas e de competición por internet, os oito equipos finalistas, procedentes de Alicante, Asturias, Biscaia e Galicia, concorren na final que se celebra en Madrid mañá, 19 de xuño. En total, participaron 252 equipos de estudantes de 28 centros educativos de distintas comunidades de España, poñendo en práctica os coñecementos adquiridos nas materias de matemáticas, administración de empresas e economía.
Ademais, estudantes finalistas acoden tamén hoxe a unha edición especial do seminario “Habilidades para o Éxito”, no que recibirán formación sobre habilidades e competencias que poderán aplicar no seu futuro académico e profesional.
No programa RetoAlcoa, promovido e patrocinado por Fundación Alcoa e organizado por Fundación Júnior Achievement, que ten como obxectivo estimular o espírito emprendedor dos máis novos, os profesores dos alumnos desempeñan un papel clave e imprescindible para que o programa cumpra os seus obxectivos educativos de xeito óptimo.
A Fundación Júnior Achievement España, creada no ano 2001, traballa para potenciar o talento dos mozos e dotalos das ferramentas necesarias para lograr os seus obxectivos nunha economía global, xerando un espírito emprendedor que lles permita alcanzar as súas metas nun marco de responsabilidade e liberdade. Júnior Achievement desenvolve a súa misión en todo o mundo co obxectivo de lograr cambios a nivel global. Beneficia a máis de 10 millóns e medio de mozos con programas educativos en 30 idiomas.
Fundación Alcoa, que se sustenta dos seus propios activos financeiros e non dos resultados da compañía, contribúe a mellorar a calidade de vida das persoas que forman parte das comunidades nas que Alcoa está presente, financiando proxectos de organizacións que melloran as oportunidades en educación e formación, saúde e seguridade, e de sostibilidade e respecto ao medio. En Galicia, Alcoa conta cunha fábrica de aluminio primario na Coruña e o complexo industrial de San Cibrao en Lugo.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
