O pasado venres 7 de agosto, os nenos e nenas de Alfoz que participan nos Campamentos de Verán, puideron gozar un ano máis da actividade organizada polo Concello de Alfoz en colaboración co Instituto Galego de Consumo “Lecer Consumo”.
Nesta ocasión, e coa intención de achegar á poboación máis miúda os valores do consumo responsable, organizáronse actividades participativas e lúdicas en torno a dúas temáticas. Unha delas foi “Un lecer máxico”, onde os partipantes máis pequenos quedaron abraiados cun contacontos e coa propia creación dun xoguete máxico.
Co grupo de maiores, a oferta foi moi variada. Primeiro participaron nunha xincana, logo analizaron publicidade e finalmente realizaron un anuncio publicitario sobre as diferentes alternativas de lecer que se poden realizar en Alfoz.
Agora, só queda esperar a que chegue o mes de setembro para poder ver e votar o vídeo a través da páxina de facebook da Escola Galega de Consumo, que sen dúbida obterá moi bos resultados, tanto polo máxicos que resultan os protagonistas como polo enclave no que se realizou, no entorno do Castelo de Castro de Ouro, lugar no que discorreron tódalas actividades.
Sendeirismo
Seguindo coas actividades de verán, o próximo venres 14 farase unha ruta de sendeirismo na que participarán tanto os rapaces dos campamentos de verán coma os acompañantes que así o desexen. A ruta transcorrerá pola senda da marxe do río Ouro e dará comezo ás 11.30 horas na Área Recreativa da Ponte Nova.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
