Cervo, 19 de novembro de 2015.- Os socialistas de Cervo non dan crédito ás últimas declaracións vertidas nos medios de comunicación pola Concelleira de Cultura, Educación, Xuventude e Facenda, Dolores García Caramés e remiten á última nota de prensa na que “explicamos o porqué do noso voto en contra aos orzamentos para 2016. Son unha contas que seguen sen ser instrumento fundamental de redistribución dos recursos entre os veciños, que se esquecen de calquera política social que axude a combatir a situación económica pola que atravesan a día de hoxe moitas familias cervenses e obvian políticas básicas para reactivar a economía local e afrontar o desemprego no noso municipio”.
Ante isto, dende o Grupo Municipal Socialista, sorpréndese de que precisamente “a edil García Caramés fale dun pleno seguindo directrices dos seus compañeiros do Partido Popular, xa que non estaba presente, daquela non pertencía ao goberno e quizais nin lle preocupasen estes asuntos”.
Os socialistas apuntan que “para que non a sigan traicionando con mentiras e hipocresías, se colle a acta 1/2014 do pleno ordinario do día 17 de marzo de 2014 poderá comprobar que foi o GMS quen presentou unha moción na que instábamos á Xunta de Galicia, con competencias na materia, para a elaboración dun Plan de Emprego para o noso Concello e foi o propio goberno municipal quen presentou unha emenda de substitución a esta moción derivando o asunto á un Plan de Emprego da Deputación de Lugo para o que o Concello de Cervo non cumpría as bases. Coma sempre, facendo gala do seu talante democrático, o goberno do PP de Cervo evitou debatir a proposta aprobando directamente o que lles veu en gana, o que nos motivou a votar en contra desta emenda artimaña non do Plan de Emprego que nós propoñíamos”.
Aclarado este primeiro punto, dende o GMS lamentan que “se siga un guión do bos e bonitos que son estes presupostos sen contestar a ningunha das nosas preguntas. Se non entende a explicación do noso voto en contra, agardamos que os compañeiros do PP que lle apuntaron todas estas falsedades, lle expliquen a nosa postura sen ningún tipo de demagoxia”.
Emerxencia Social
En canto á execución da partida destinada a emerxencia social, os socialistas insisten en que “por favor se fale sabendo do que se fala. Os últimos anos, non se destinou nin un só euro a este asunto, pois a partida quedou sen executar. Lóxicamente, para valorar as actuacións nesta materia durante este ano vixente, debemos agardar á vindeira liquidación dos orzamentos”.
Caixón de xastre
Os socialistas agradeceron a certeza da concelleira García Caramés ao falar de “partidas destinadas para algunha axuda imprevista de última hora. O que nos vén a dar a razón cando falamos de que os títulos adicados a gastos diversos responden a un caixón de xastre sen previsión algunha”.
Por último, os membros do GMS fixeron referencia a que “a asociación veciñal á que pertence o noso voceiro non pediu ningún tipo de axuda. Se non todo o contrario, pediu un permiso de obra para o adecentamento do camiño dos Currás na Senra e a colocación de barandas na Rúa Igrexa e Rúa das Lobeiras, obra que debería ter feito o Concello e non fixo. Quizais teñan remordementos de conciencia por cobrar, aínda por riba, este permiso a un colectivo de veciños. Esa é a realidade”
Remataron matizándolle, unha vez máis, a García Caramés que “o voceiro socialista xa era veciño, xa estaba empadroado no Concello de Cervo moito antes de que ela mesma nacese e o seu status, dende aquela e ata o día de hoxe, non cambiou mal que lles pese”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
