NOTA DE PRENSA
O PP DE CERVO CREE QUE A ACTITUDE DA DIPUTACIÓN NA AMPLIACIÓN DO MUSEO DO MAR É CÍNICA E HIPÓCRITA
* A pasividade amosada polos responsables da área de Cultura da Deputación neste tema pode desembocar na construción nesa zona dun edificio que, de levarse adiante, imposibilitaría a ampliación do museo
* Os nacionalistas e socialistas reivindicaban a ampliación do museo cando estaban na oposición e agora, despois de dous anos e medio á fronte da Deputación, esixen paciencia esgrimindo uns argumentos ambiguos e indefinidos.
Cervo, 14 de outubro de 2009.- O Partido Popular de Cervo quere saír ao paso das acusacións vertidas polo Bloque Nacionalista Galego a raíz da nosa petición de ampliación do Museo Provincial do Mar.
O PP de Cervo lémbralle aos nacionalistas que esta reivindicación non é en absoluto unha petición “oportunista”, tal e coma eles a cualifican, se non que se trata dunha petición tendente a atallar o problema de falta de espacio que ten esta institución e que na nosa opinión estáse a prolongar no tempo debido á irresponsabilidade de socialistas e nacionalistas.
Neste senso temos que recordarlles aos señores do BNG que os propietarios da finca contigua ao museo solicitaron en xuño do ano pasado a redacción dun estudio de detalle da mazá onde se atopa a súa propiedade para construír no seu solar un edificio de vivendas. Tamén queremos lembrar que xa daquela o alcalde de Cervo, Alfonso Villares, advertira da necesidade de que socialistas e nacionalistas asumiran o compromiso adquirido polo anterior goberno provincial e se comprometeran firmemente a adquirir ou financiar a compra deste solar, único posible para a ampliación do museo.
Este longo silencio dos socialistas e nacionalistas á fronte da Deputación pode desembocar na construción nesa parcela dun edificio que, de levarse adiante, imposibilitaría a ampliación do museo; e tamén afectaría paisaxísticamente a unha zona tan significativa coma é a do paseo marítimo e a praia do Torno. Por iso non entendemos que agora se nos tilde de oportunistas, cando a realidade demostra que non é así.
Resúltanos canto menos curiosa a actitude actual do BNG neste asunto, xa que cando estaba na oposición eran eles os que non se cansaban de reivindicar a ampliación do museo. Sen embargo, agora, despois de dous anos e medio á fronte da área de Cultura da Deputación, esixen paciencia esgrimindo uns argumentos cínicos e hipócritas tan ambiguos coma indefinidos e que non clarexan o que están a facer para solucionar o problema de espacio do museo.
Este malestar e preocupación non é un capricho do PP de Cervo, se non que responde a unha inquietude de moitos veciños que ven como as súas doazóns de fondos ao museo teñen que estar arrumbadas en caixas no soto do edificio.
Dende o Partido Popular de Cervo non queremos pensar mal; pero parece coma si os responsables na Deputación quixeran dilatar ao máximo no tempo o seu compromiso de compra dos terreos para provocar así que o Concello se vexa obrigado a conceder a licencia de obra na parcela contigua para botarllo despois en cara ao Goberno municipal.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
