Mondoñedo, 19 de novembro de 2015.- O Concello de Mondoñedo acolleu na mañá deste sábado a entrega de premios do XVI Certame de Poesía Díaz Jácome para novos creadores, un acto que contou coa presenza do Secretario Xeral de Política Lingüística, Valentín García.
Na súa intervención, o responsable de Política Lingüística da Xunta destacou a importancia destes certames para estimular a creatividade en lingua galega entre un sector tan sensible para o futuro da lingua como é o da mocidade, á que animou “a empregar o idioma propio de Galicia oralmente e por escrito, por activa e por pasiva, en calquera momento e situación”.
Cómpre destacar a implicación e axuda que a familia Díaz Jácome segue a brindarlle a este certame, colaborando coa entidade convocante e coa súa presenza nos actos de entrega do premio. De feito este galardón tamén pretende lembrar e honrar a figura do escritor Xosé Díaz Jácome (1910-1998), natural de Mondoñedo, quen ao longo da súa carreira xornalística promocionou o labor dos novos valores literarios.
Nesta decimosexta edición, o primeiro premio, dotado con 1.500 euros, correspondeulle a Mateo Buján (de 18 anos de idade), polo seu conxunto poético ‘Ti víchesme o outro día’. O segundo premio, dotado con 600 euros, foi para Antía Juncal (de 21 anos de idade), polo seu conxunto poético ‘Turxencia na pel’. Pecha o palmarés, co terceiro premio, Raúl Costas (de 18 anos de idade), por ‘Actualidade’, traballo polo que lle corresponderon 300 euros.
A historia do Certame Díaz Jácome
No 2000, o certame naceu como Premio Xosé Díaz Jácome de Poesía para distinguir o labor lírico dunha vida, pero baixo esta modalidade só fora convocado naquela ocasión, na que resultara gañador Xosé Luís Méndez Ferrín. A partir do ano seguinte, o 2001, convócase, de xeito ininterrompido, como un certame destinado a potenciar a escrita dos máis novos e nel foron galardoados autores hoxe xa cunha sólida andaina no circuíto literario galego como Estíbaliz Espinosa, Lucía Novas, Alicia Fernández, Oliver Escobar, Diana Varela, Xurxo Martínez, Elías Portela, Xosé Daniel Costas, Xesús Castro ou Andrea Maceiras.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
