A Consellería do Mar flexibilizará se fora preciso as condicións para a celebración de eventos non portuarios nos portos

Santiago, 5 de abril de 2016.- A Consellería do Mar, a través de Portos de Galicia, anunciou que flexibilizará, se fora preciso, as condicións para celebración de eventos de caracter non portuario en zonas das instalacións dos portos autonómicos. Así o manifestou esta tarde o presidente de Portos de Galicia, José Juan Durán, na súa comparecencia ante a Comisión 8ª do Parlamento de Galicia contestando ás preguntas do Grupo Parlamentario de AGE.

O presidente de Portos de Galicia sinalou que “as instalacións portuarias están adicadas ás labouras profesionais fundamentalmente e, polo tanto, é a nosa obriga en primeiro lugar manter estas instalacións o mellor posible nas mellores condicións de seguridade e operatividade tanto para as persoas como para os bens”

José Juan Durán, aclaróu que Portos de Galicia “non se opón a que os portos sexan lugares nos que históricamente se fixeron as festas patronais e os mercadillos, entre outros eventos, e que poderán seren utilizados como ata agora”.

Sen embargo quixo matizar que, tal e como levan a cabo outras administracións, por exemplo Costas do Estado, é preciso regular as actividades non portuarias coa excepción daquelas que poidan significar un problema ou un perigo. En definitiva, tratase de racionalizar este tipo de eventos e salvagardar sobre todo a seguridade dos usuarios, das persoas que utilizan os portos e dos propios bens.

En canto á intervención na segunda pregunta formulada polo Grupo dos Socialistas de Galicia PSOE, acerca dos investimentos realizados nos portos da provincia de Lugo, das que sinalou, “existen partidas para levar a cabo durante este ano actuacións na práctica totalidade dos portos da costa lucense” e que cifrou en casi 3 millóns de euros nas que se incluen a dragaxe do porto de Foz, o reforzo do abrigo do porto de Burela, a adecuación dos portos de Celeiro, Ribadeo e Burela á normativa do código PBIP (Protección de Buques e Instalacións Portuarias) e a colocación de medios de amarre e defensas no porto de Celeiro.