CxG Burela califica o primeiro ano de goberno da actual corporación municipal como “o ano do monolito” e acúsao de moita prensa, moita foto e pouca xestión

Burela, 23 de maio de 2016.- Vai para un ano que democráticamente os veciños e veciñas de Burela, cos seus votos elixiron un goberno. Tamén é democrático analizar as formas deste “novo goberno” e o cumprimento do seu programa electoral. Vai por diante o recoñecemento de CxG Burela do apoio maioritario que tivo o PSdeG nos comicios do 2015. Dito isto, dende CxG denunciamos a pouca ou nula xestión deste Goberno e a perda de peso de Burela no marco territorial, polo que vamos analizar polo míudo segundo as áreas de xestión:

Administración local

Promesa: Apertura de canles de participación dos veciños. Auditoría de xestión dos servicios privatizados.
Realidade: Non se fixo ningún tipo de auditoría. Non se fixeron orzamentos participativos.
Cumprimento: Non.

Promesa: Eliminación de taxas
Realidade: Todo o contrario, subíronse taxas como a do barco museo.
Cumprimento: Non.

Promesa: Padroado municipal de deportes.
Realidade: Non se deu un só paso neste sentido
Cumprimento: Non.

Promesa: Orzamentos en tempo e forma.
Realidade: Para 2016 tardaron 4 meses, administración lenta aínda con maioría absoluta.
Cumprimento: Non

Promesa: Transparencia.
Realidade: O portal de transparencia deixa bastante que desexar, non se abre a administración nin se innova.
Cumprimento: Non.

Promesa: Modificación do PXOM.
Realidade: Nin un só paso.
Cumprimento: Non.

Promesa: Información aos veciños
Realidade: CxG pediu que se envíe información ás casas; a resposta foi que é caro.
Cumprimento: Non.

Obras
Promesa: Eliminación de barreiras arquitectónicas.
Realidade: Prácticamente igual que fai 12 meses.
Cumprimento: Non.

Promesa: Mellora da imaxe do pobo.
Realidade: Falta de unidade na sinalización, bolardos que non cumpren a norativa, farolas rotas, suciedade…
Cumprimento: Non.

Promesa: Mellora parque Rosalía de Castro.
Realidade: Solicitada Subvención.
Cumprimento: Á espera.

Promesa: Rematar saneamentos.
Realidade: Nin un euro empregado nesta materia
Cumprimento: Non.

Promesa: Peatonalización de rúas.
Realidade: Ningún acordo nesta materia.
Cumprimento: Non.

Promesa: Mellora de zonas de ocio.
Realidade: Tardaron 90 dias en retirar os destrozos do temporal.
Cumprimento: Algo.

Promesa: Rehabilitación integral do Cantiño.
Realidade: Bastantes desperfectos e abandono.
Cumprimento: Non.

Infraestruturas
Promesa: Poligono industrial.
Realidade: Ningunha xestión na materia.
Cumprimento: Non.

Promesa: Solución á fabrica de GRES.
Realidade: Ningunha xestión na materia. Hoxe en mans privadas.
Cumprimento: Non.

Promesa: Construir pavillón polideportivo.
Realidade: Non se realizaron xestións.
Cumprimento: Non.

Promesa: Vestiarios campo de herba artificial.
Realidade: Anunciaron xestións.
Cumprimento: Á espera.

Promesa: Construcción da nova EDAR.
Realidade: Anunciaron xestións.
Cumprimento: Á espera.

Promesa: Limpeza dos lodos do encoro de Rúa.
Realidade: Non realizable.
Cumprimento: Non.

Turismo
Promesa: Recuperar selos de calidade ambiental das praias xa en 2015.
Realidade: Non deu tempo, segundo o alcalde, que o prometerá 15 días antes.
Cumprimento: Non

Promesa: Ruta de sendeirismo homologada como promoción turistica.
Realidade: Non se coñecen xestións.
Cumprimento: Non.

Promesa: Posta en valor das zonas históricas de Burela.
Realidade: Ningunha actuación.
Cumprimento: Non.

Promesa: Exposición permanente da cultura castrexa.
Realidade: Só anuncio en prensa.
Cumprimento: Non.

Emprego
Promesa: Plan de emprego, o emprego como maior prioridade
Realidade: Adícanse 15.000€ nos orzamentos de 2016. son 0,05 € por parado por dia.
Cumprimento: Pouco.

Promesa: Solución á problemática de ECESA.
Realidade: Non se fixo nada.
Cumprimento: Non.

Os datos analizados están no programa público de Psoe de Burela. É certo que quedan tres anos de xestión, pero dende CxG Burela entendemos que o programa de goberno do PSOE de Burela é fácil de alcanzar se se traballa.

Independentemente, a nosa análise é que a xestión plantexa dúbidas:

-Por que un goberno en maioría tarda 4 meses en aprobar orzamentos?

-Como non se consegue ningunha dotación importante tendo en conta o peso de Burela, por poboación e por actividade?

-Como o Alcalde de Burela non ten máis peso na Deputación?

-Por que o PSOE non da peso a Llano na súa estrutura?

A realidade é que temos un goberno lento e pouco resolutivo, como vimos denunciando. A explicación para CXG é que non teñen un Plan para a Burela do futuro. Ademáis de ser un goberno pouco transparente e que non acepta propostas: dende CxG rexistramos máis de 15 peticións que non foron nin respostadas.

Non entendemos como se perderon oportunidades como o festival que se fará en Foz ou o festival de primavera.

Temos que recoñecer dende CxG un cambio na política cultural que situa por fin a Burela no mapa pero non deixa de ser una illa no goberno que de momento ten como logro a colocación dun monolito e ser o goberno municipal onde reside un de cada tres novos parados. En definitiva, un ano de políticas conservadoras.