O Presidente da Deputación, Darío Campos Conde, e o Deputado de Xestión Territorial, Argelio Fernández Queipo, supervisaron este martes os traballos de roza que se están a levar a cabo na rede viaria provincial máis extensa de España ao superar os 4.300 quilómetros. Campos Conde destacou que “estas actuacións, nas que investimentos 700.000 euros, cumpren un dobre obxectivo: a mellora das estradas provinciais e o mantemento de máis de 200 postos de traballo”.
O organismo provincial contratou a 19 autónomos e pequenas empresas da provincia para a execución do plan de desbroce e roza da rede viaria provincial. Son 208 traballadores destas entidades os que están a levar a cabo estas actuacións.
Nas estradas provinciais, hai despregadas 60 máquinas. A roza é mecánica e manual, é dicir, non se emprega ningún tipo de axente químico, a diferenza doutras administracións, para protexer e respectar o medio ambiente.
Os máis de 4.300 quilómetros de vías tradúcense en 8.600 quilómetros de paseos, 8.600 quilómetros de taludes e 4.500 quilómetros de gálibo, nos que hai que eliminar a vexetación herbácea e arbústica. Isto supón un total de 21.200 quilómetros nos que se realizarán estas tarefas.
Zonas de actuación
Debido á dificultade que conlevan estes traballos, tendo en conta que a maioría das estradas non sobrepasan os 5 metros de ancho e teñen cunetas cun grande desnivel, decidiuse facer unha división en 19 zonas de actuación completamente diferenciadas, co fin de adecuar os traballos ás necesidades de cada unha delas.
Zona 1: Viveiro, Xove, Vicedo, Xermade e Ourol
Zona 2: Foz, Cervo, Alfoz, Valadouro, Burela, Ribadeo, Barreiros, Lourenzá e Muras
Zona 3: Vilalba e Abadín
Zona 4: Mondoñedo, A Pontenova, Riotorto e Trabada.
Zona 5: Begonte, Guitiriz, Rábade, Cospeito e Outeiro de Rei
Zona 6: Castro de Rei, Pol e Pastoriza
Zona 7: Castroverde, Meira, Ribeira de Piquín, Lugo e Corgo
Zona 8: Fonsagrada e Negueira de Muñiz
Zona 9: Friol
Zona 10: Becerreá, Baleira, Antas de Ulla e Carballedo
Zona 11: Navia de Suarna, Monterroso e Taboada
Zona 12: Baralla, Cervantes, As Nogais e Triacastela
Zona 13: Portomarín e Paradela
Zona 14: Samos, Chantada e Incio
Zona 15: Monforte de Lemos e A Pobra do Brollón
Zona 16: Folgoso do Courel e Pedrafita do Cebreiro
Zona 17: Sober, Ribas do Sil e Quiroga
Zona 18: Pantón e Saviñao
Zona 19: Guntín, Palas de Rei, Bóveda, Sarria, Láncara e O Páramo.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
