Foz, 31 de agosto de 2016. O alcalde de Foz, Javier Jorge Castiñeira, asina hoxe coa conselleira de Medio Ambiente, Beatriz Mato Otero, o convenio para a construción da nova estación depuradora de augas residuais (EDAR). O investimento rolda os 8 millóns de euros.
O rexedor municipal focense explicou esta mañá que “no día de hoxe terá lugar na Coruña a firma dun convenio importante para o noso concello, concretamente coa Consellería de Medio Ambiente para a construción da nova depuradora de Foz. Hai un compromiso orzamentario e xa de licitación para que esta obra salga adiante nos próximos anos”.
Javier Castiñeira subliña que “a verdade é que é moi importante para Foz. Unha vez que o pleno da corporación determinou esa localización, faltaba o compromiso da Xunta de Galicia e aí está. Isto permitiralle á Xunta poder licitar en próximas datas o anteproxecto, o proxecto e a construción dunha obra de saneamento das máis importantes que se van facer durante todos estes anos”.
O alcalde de Foz lembra que “esta obra rolda os 8 millóns de euros, entre o que é a construción propia da depuradora, todo o que son canalizacións e impulsións máis o emisario, polo cal é unha das obras máis importantes que se van facer no concello durante estes últimos anos”.
Javier Castiñeira quere “agradecer o compromiso de Beatriz Mato, conselleira de Medio Ambiente, e do propio presidente da Xunta, que se comprometeu con Foz en que esta obra era prioritaria e cando o pleno da corporación deu o paso de poñer un sitio garantido, a verdade é que a Xunta de Galicia púxose a traballar. A partir de agora queda esperar que se realice canto antes esa licitación, se poida facer o anteproxecto, que terá que pasar tamén polo pleno da corporación e expoñerse ao público, e unha vez pase todos eses trámites e o ambiental se poida facer o proxecto definitivo, a compra dos terreos e o inicio das obras”.
Castiñeira salienta que “estamos a falar de arredor dunha marxe de catro anos, entre este 2016 e o 2020. Había un compromiso xa da Xunta de Galicia de meter eses cartos dentro das inversións para saneamentos que tiña a Xunta e proba disto é que sairá a licitación o antes posible”.
O rexedor rematou agradecendo “tanto á conselleira como ao presidente da Xunta e ao de Augas de Galicia ese compromiso co saneamento de Foz, algo moi importante para que o Foz do futuro teña unhas instalacións de saneamento completamente viables; e non como a día de hoxe, que verdadeiramente estamos cunha capacidade insuficiente de depuración que crea moitos problemas ao concello”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
