“A morte” en Radio Burela

O pasado xoves día 3, co gallo da celebración do Día de Defuntos a véspera, o Programa Parolando da Radio Burela dedicou o seu coloquio ó tema da morte. Reunimos arredor da nosa mesa a seis persoas diferentes para dar a súa versión sobre este difícil tema. Estiveron connosco Noelia Rodríguez (avogada de Lugo), Antón Niñe (profesor de Relixión Católica do instituto Perdouro de Burela), Luís Miguel Yáñez (comercial en Dielectro en Burela e Presidente do Grupo Teatral Raiolas), Antonio Jesús Lorenzo “Cachín” (gardarríos na zona do río Masma e actor en grupos teatrais como Raiolas, Trípode e O Centiño), Paco Piñeiro (profesor, autor teatral, escritor e actor) e Rita Morrigan (escritora de Xove). Falouse do “máis alá”, dos costumes galegos relacionados cos enterros, da comunicación cos mortos, etc.