Cervo, 10 de xaneiro de 2017. O polideportivo do colexio de Galdín acollerá este sábado, 14 de xaneiro, o campionato Concello de Cervo de nihon tai jitsu, que é unha arte marcial de orixe xaponesa considerada como departamento oficial dentro da Real Federación Española de Karate. Ese evento deportivo foi presentado polo alcalde de Cervo, Alfonso Villares; o concelleiro de Deportes, José Ramón Soto; e o adestrador nacional Miguel Ángel Rojo.
O edil delegado de Deportes anunciou que “este vindeiro sábado, 14 de xaneiro, a partir das cinco da tarde, no polideportivo do colexio de Galdín, en San Ciprián, terá lugar a celebración do campionato de nihon tai jitsu, pertencente á Federación Galega de Karate, en modalidade de kata e de combate, denominada goshin sobu. Será totalmente gratuíto para todos aqueles que desexen acercarse ó pavillón de Galdín a presenciar esta modalidade deportiva”.
José Ramón Soto explicou que “o nihon tai jitsu é unha arte marcial de orixe xaponesa cuxo obxectivo primordial é a defensa persoal; de aí o nome que se lle deu no seu momento e que significa método superior de defensa persoal, no cal se busca a proporcionalidade na resposta ante unha posible agresión, podendo ser a resposta dende leve a contundente. O nihon tai jitsu está considerado como departamento oficial dentro da Real Federación Española de Karate, o que implica pertencer á Federación Galega. Nesta nova edición cabe destacar como novidade a modalidade de goshin sobu, que consiste na aplicación libre das técnicas de defensa persoal contra ataques a man baleira, a ataques cun pau e contra coitelo. Esta novidade fará a competición máis vistosa e dinámica para o público en xeral. Os participantes comprenderán idades dende os 6 anos ata a categoría sénior”.
O concelleiro de Deportes engadiu que “este campionato esta organizado pola Asociación de Artes Marciales Orientales da Mariña, co seu director, o mariñán Miguel Ángel Rojo, que leva máis de 15 años na súa labor de difusión do nihon tai jitsu, non só en Galicia senón tamén noutras comunidades a onde se despraza a impartir seminarios de formación, xa que é profesor titulado nacional. O campionato está baseado na modalidade de kata individual, sendo o obxectivo principal dar a coñecer esta actividade na nosa comarca, a pesar de que esta práctica xa leva varios años implantada en esta zona. Trátase dun campionato que ten carácter oficial baixo o supervisión da Federación Galega de Karate co patrocinio do Concello de Cervo. Está previsto que acudan uns 35 participantes, previamente seleccionados, da Mariña luguesa e da Coruña, Ourense e Lugo. Entre eles atópanse os actuais campións de Galicia de nihon tai jitsu así coma o subcampión de España da modalidade de goshin sobu, o viveirense Joel Romero, ademais do mestre e director autonómico Miguel Ángel Rojo, veciño do noso concello”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
