Viveiro (Lugo), 10 de xaneiro de 2017.- A Alcaldesa de Viveiro, María Loureiro así como representantes socialistas da Mariña, non asistiron este martes á apertura do treito de 8 quilómetros da Vía Alta Prestacións Celeiro-San Cibrao que o Goberno de Feijoo tardou 8 anos en facer, omitindo as reclamacións veciñais e impoñendo un proxecto que non foi consensuado coa cidadanía e o Concello.
Explica que este proxecto que se inaugura hoxe “foi un trazado imposto, que non foi consensuado nin co goberno local, nin cos veciños, e prexudica claramente os intereses dos veciños de Magazos, por iso non podemos permanecer calados”, insistiu.
A rexedora valora “moi positivamente todas as infraestruturas que supoñan un beneficio para a Comarca e para Viveiro”, pero lamenta “que este tramo de 8 quilómetros que leva en proceso de execución 8 anos, só sexa unha parte menor dun proxecto global máis amplo como é a Vía de Alta Prestación de Ferrol a San Cibrao”. Nese senso demandou investimentos nos orzamentos da Xunta para rematar esta infraestrutura viaria, pois os anunciados por Feijoo son claramente insuficientes.
Maria Loureiro advirte que Viveiro “é o único concello da Mariña que non ten un corredor”. Di que “todos os camións pasan polo centro, non temos unha variante alternativa e é o terceiro Concello máis importante da provincia”. Replica, ademais, que a día de hoxe Viveiro conta con diversos proxectos paralizados, que son competencia directa da administración autonómica. “Concretamente en Viveiro está paralizado o PXOM, o dragado e saneamento da Ría de Viveiro, o trasvase de area da Praia de Covas ou o derribo dos galpóns do muelle”, explicou. Por iso insiste nas súas criticas “toda a Mariña de Lugo esta esquecida polos Gobernos de Feijoo e do PP. Eu hoxe non lle vou aplaudir a Feijoo”, concluíu.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
