A Mariña, 20 de xaneiro de 2017. A Mancomunidade de Municipios de A Mariña levará a cabo iniciativas para continuar coa promoción dun turismo non masivo e de calidade. O seu presidente, Alfredo Llano, valora moi positivamente a participación da comarca en Fitur e considera que A Mariña debe estar presente noutros eventos.
Llano manifestou: “a verdade é que foron tres días intensos con moito movemento e relación con moita xente co único propósito de favorecer á Mariña en todo aquilo que se poida e en cuestións de turismo tamén”.
O presidente da Mancomunidade explicou que “tiven oportunidade de falar esta mañá con varios touroperadores e estivemos contrastando a cantidade de xente que pode ir á Mariña. A verdade é que os touroperadores non tiñan unha constancia de grandes peticións para ir á nosa comarca. Fixemos unha relación e imos mandarlles información a moitos deles para que saiban onde está A Mariña e intenten enviar ao máximo de xente de acordo coas nosas cualidades, que son moitas”.
Alfredo Llano comenta que “hoxe estivemos no acto institucional onde estivo o presidente da Xunta xa que foi o Día de Galicia. Estivemos nas presentacións de feiras e festas de carácter nacional e internacional, respectando a institución e a Galicia como destino turístico. Aproveitei para ver a moita xente hoxe. Tamén tiven oportunidade de falar con Paco Buyo e quedou de visitarnos en Burela para facer algún tema de deporte e empresarial que el ten”.
Para Llano “en Fitur este ano A Mariña tivo unha actuación excepcional e boa polo que eu puiden comprobar. Movémonos o que puidemos para favorecer A Mariña como destino turístico en xeral. Foi tamén singular e adecuado facer unha presentación a través do xornalista Jenaro Castro, creo que favoreceu unha visión máis global do que é A Mariña. A miña conclusión é que foi positivo para A Mariña”.
O presidente da Mancomunidade insistiu en que “debemos ter máis presenza. Imos procurar facer posiblemente algo para o ano que ven xa que estamos todos os alcaldes, relativo á promoción da Mariña fora de Fitur. Aquí hai que seguir, pero ao mesmo tempo a ver se artellamos algo que realmente nos favoreza e sobre todo no coñecemento global da Mariña, que se vexa que pode ser un destino de moita calidade para moita xente, que é o que queremos presentar. Defendemos un turismo non masivo e de calidade, é o que pretendemos agora e no futuro”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
