Foz (Lugo), 10 de febreiro de 2017.- A sede da Agrupación Socialista de Foz acolleu onte (xoves) unha xuntanza de traballo dentro da folla de ruta que a Xestora Provincial ten programado por toda a provincia, para analizar a situación actual do partido, e tamén coordinar e informar da actuación socialista nas diferentes institucións, como son o Congreso dos Deputados, Senado, Parlamento de Galicia e Deputación Provincial.
Nesta reunión, participaron o Presidente da Xestora Lucense, Luis Angel Lago Lage, o senador lucense, Ricardo Varela, a deputada, Margarita Pérez Herraiz, os deputado autonómicos, Luís Álvarez, e José Antonio Quiroga; e o deputado provincial, Eduardo Vidal; así como concelleiros e voceiros e militantes das agrupacións de Mondoñedo, Alfoz, Barreiros, Burela, Foz, Lourenzá, e Valadouro.
Na xuntanza avanzouse sobre asuntos de actualidade que afectan a toda a Comarca como a moción que se presentará en todos os Concellos para reclamar un Real Decreto onde se regule a plantación da pataca nas zonas delimitadas pola praga; a situación das listas de espera no Hospital da Costa, así como os problemas da súa ampliación; e o novo decreto da Xunta para os propietarios de vivendas que queiran destinalas a uso turístico.
Neste encontro tamén se evidenciaron deficiencias sanitarias e educativas na Comarca. Ademais os deputados explicaron as emendas que o Partido Socialista defendeu no Pleno sobre o Proxecto de Lei de orzamentos. Sobre asuntos orgánicos, emprazouse a toda a militancia a participar activamente en todos os procesos que o PSOE ten nas vindeiras datas.
Próximas reunións
Esta é a cuarta xuntanza que realiza a xestora provincial, a primeira foi en Viveiro, despois en Monforte e en Vilalba,. As seguintes convocatorias que a Xestora ten programado pola provincia son; o xoves día 16 en Sarria; e o 23 na Fonsagrada. No mes de marzo serán o día 2 de en Ribadeo; o dia 9 de marzo en Chantada, e por último do día 16 de marzo en Lugo.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.