O pasado martes á noite varios membros da Dirección Xeral de Agricultura convocaron en Xove un acto informativo sobre a couza da pataca. Despois do espectáculo que deron tanto o Alcalde de Xove coma o Delegado da Xunta na provincia de Lugo, Salgueiro & Balseiro, eu quedei peor do que estaba. Todo o que fixeron foi encerrarse na área pequena e botar balóns fóra dicindo que a normativa vén da Unión Europea e do Goberno español.
Nin quixeron, nin queren, nin van querer tratar o tema con seriedade, xa que unha vez se prohiba a plantación de pataca na comarca polo Ministerio de Agricultura (e todos os técnicos indican que así vai ser), a Xunta de Galicia, dentro das súas competencias, terá que ratificar a decisión española. Ou non. Polo tanto, que facemos? Mercamos a pataca da semente? Deixamos as leiras a barbeito?
Pero para tomar decisións de fondo calado político hai que mollarse e asumir as responsabilidades sen medo. Así a todo, sempre é máis doado botarlle a culpa ao Ministerio, que Madrid queda moi lonxe. Aínda que veñan sendo os mesmos.
Non aclararon nada sobre que tipo de indemnizacións se aprobarán para os produtores. Nin se van pagar as patacas xa mercadas para sementar. Nin se existe perigo de que se dispare o prezo da pataca para os consumidores finais. Nin canto tempo estará prohibido plantar… Canto tempo? Pero se tampouco aclararon se o van prohibir!
A min xórdenme varias dúbidas máis: se nas Illas Canarias levan máis de 15 anos coa praga, como é que aló non deron acabado con ela? Como é que nas Canarias non prohibiron plantar, se desa maneira se remata coa couza?
E mentres tanto que fai a Xunta? Recomendar. Non fai outra cousa que “recomendar” que non se plante. Canto botamos en falta a don Antonio Oca, veciño da Rigueira e nacionalista, que foi Director Xeral de Produción Agroalimentaria cando en Galiza había Goberno.
Carlos Fernández Louzao. Concelleiro do BNG de Xove
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
