Lourenzá, 17 de marzo de 2017.- O Grupo Municipal do Partido Popular de Lourenzá votou en contra dos orzamentos presentados polo equipo de Goberno na pasada sesión plenaria ao consideralos “irreais de principio a fin”. Os populares precisan que “non podemos apoiar unha proposta dun equipo de Goberno que está levando ao noso municipio á UCI”.
Desde o PP critican “de xeito enérxico” que non sigan coa Relación de Postos de Traballo (RPT), pese a demandala boa parte dos traballadores municipais. Os populares sinalan que é un asunto que decidiron retomar despois das eleccións municipais sendo moi conscientes das graves desigualdades que existen na plantilla. Emma Álvarez sinala que “non podemos apoiar uns orzamentos nos que non existe unha RPT municipal, máis aínda cando observamos que existe desigualdade salarial entre os traballadores do Concello”.
A voceira popular, Emma Álvarez Chao, precisa que os orzamentos presentados non contemplaban medidas tan necesarias como “un plan de emprego municipal”, máis aló de contratar persoal cos distintos programas da Xunta ou da Deputación. Álvarez engade que tampouco se propoñen iniciativas encamiñadas a fixar poboación, “pero isto non nos sorprende, posto que desmantelaron un servizo esencial para as familias como é o Punto de Atención á Infancia, recortando o servizo nun 25%”.
“Botamos en falta tamén”, continúa Álvarez Chao, “medidas contundentes de apoio ao pequeno comercio, pois levan dous anos gobernando e perderon dúas convocatorias públicas ao non solicitar as subvencións da Xunta dedicadas ao sector”, lamenta a popular.
Dende o PP tamén consideran “insuficientes” as partidas destinadas ao rural “onde observamos camiños forestais totalmente desfeitos” e critican que só se limiten a tres as partidas de promoción turística “que ademais son moi pouco ambiciosas”.
O Goberno non cumpre a súas promesas e engana aos votantes
Dende o PP poñen de relevo ademais, que nos orzamentos faise patente que os socialistas “enganaron aos votantes cando prometeron que non ía haber dúas dedicacións, e agora figuran, ou cando anunciaron que ían eliminar a taxa de lixo para as vivendas baleiras e a día de hoxe, dous anos despois, non se fixo realidade”.
Ademais consideran “unha tomadura de pelo” que figuren 207.000 euros na partida 761 de achegas da Deputación “cando todos sabíamos que se estaba artellando o Plan Único”, polo que percibirán do organismo autonómico 238.937 euros máis os 150.000 do convenio que teñen asinado para o arranxo superficial do Camiño A. “Polo tanto estamos falando de 182.000 euros que van a percibir e non recollen nos orzamentos”, engade.
O Concello ignora á oposición
Os populares critican a actitude do equipo de Goberno que “ignora á oposición, cando nin sequera nos facilitaron o Libro Maior de Contas do 2016 a pesar de que o solicitamos o pasado 9 de marzo e se excederon os 5 días legais para cedérnolo”. “Sen este documento non puidemos ver o desglose das distintas contas nin facer a comparativa entre anos”. Deste modo, e unha vez máis, volven poñer freo á actividade de control dos grupos da oposición “porque ao mellor teñen algo que esconder”.
Álvarez Chao apunta tamén que “por suposto, seríamos incoherentes se aceptamos uns Orzamentos que non recollen o arranxo de ningunha das necesidades que urximos dende o Grupo Municipal do PP como pode ser a reposición das vallas da área do Ranchito, a adaptación á normativa vixente dos parques infantís do Ranchito e Oural, a firma de convenio cunha protectora de animais ou o arranxo de puntos de luz como o de Rego Vilazo e Gracia, entre outras medidas”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.