BURELA (FNC) .- O vindeiro 14 de decembro ás 17 horas no Concello de Burela terá lugar unha xuntanza na que participarán técnicos de OTEA para explicar o avance do Plan Xeral de Ordenación Municipal que días despois se enviará á Xunta. Ao encontro asistirán os técnicos municipais e tamén a Corporación Municipal.
O alcalde, Alfredo Llano, sinala que “será unha exposición previa a enviar o plan a Santiago para que sexa informado, desde alí teñen que dicir si avanza aténdose á legalidade e unha vez que pase esa fase previa, que tardará coma uns seis meses, comezaremos a facer as reunións cos veciños para que poidan alegar antes de pasar á exposición definitiva”.
O rexedor manifesta que “o plan é moi importante para Burela, dado que estamos afectados por Costas, por Feve, pola variante e pola autovía si pasa preto de aquí, entón é bo que se vaia definindo como debe ser o noso concello, en canto a unha planificación ben feita que sexa beneficiosa para o conxunto de todos os veciños”.
Incendio
Por outra banda, Alfredo Llano, agradeceu “a actuación eficaz esta mañá de Protección Civil, dado que foron chamados e acudiron rapidamente á casa dunha veciña na rúa Nosa Señora do Carme. Alí declarouse un incendio provocado por un electrodoméstico, e debido á rapidez da actuación evitáronse males maiores. Só houbo que lamentar a perda dese electrodoméstico e dun quentador que estaba próximo. A actuación de Protección Civil foi moi rápida e amosou unha boa profesionalidade, como ben sendo habitual”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
