Foz, 30 de marzo de 2017. Os actos incluídos na programación da Semana Santa de San Martiño, que será pregoada polo bispo de Mondoñedo-Ferrol o 8 de abril, desenvolveranse ata o día 16 dese mes. A programación foi presentada na Casa da Cultura Poeta Manuel María, de Foz, por membros da directiva da Confraría do Desencravo, presidida por Silvia Blach Cuesta, que ademais é concelleira de Cultura e irmá maior desa confraría. No acto participou tamén o alcalde focense, Javier Jorge Castiñeira.
Silvia Blach explicou: “a Confraría do Desencravo de San Martiño de Mondoñedo xunto co alcalde de Foz, Javier Jorge Castiñeira, fixemos a presentación da programación da Semana Santa deste ano e á súa vez a Semana da Música Xosé Alonso, que xa vai na súa décimo cuarta edición e coa que colabora o Concello de Foz na súa realización xunto coa Confraría do Desencravo. Na programación da Semana Santa deste ano destacamos ao noso pregoeiro, que é o bispo da diocese Mondoñedo-Ferrol, Monseñor Luis Ángel de las Heras Berzal. Salientamos tamén, por suposto, os actos en xeral e temos o Mércores de Tebras, que vai ser por segundo ano consecutivo na igrexa de San Xoán de Vilaronte a partir das nove da noite. Tamén os actos do Xoves Santo, a partir das seis da tarde coa Misa da Cea do Señor co acto do lavatorio. E o Venres Santo pola mañá teremos o Vía Crucis e pola tarde a procesión polo vello barrio do Caritel, arredor da basílica”.
En cando á Semana da Música, Blach destacou “as actuacións de varios grupos xa coñecidos na Semana Santa de San Martiño, como pode ser a Coral Polifónica de Foz o día do pregón, o 8 de abril, ás oito e media da tarde. O día 9 de abril, o Domingo de Ramos, imos ter ao coro Consonante. O mércores de Tebras, o 12 de abril, haberá un concerto coa participación de Felipe Sánchez e África Rodríguez abrindo o acto de Tebras. O día 14 de abril, Venres Santo, teremos ao coro parroquial de Foz e a compoñentes da Escola Municipal de Música de Foz acompañando á procesión. O 15 de abril, Sábado Santo, haberá un concerto de Hotel Venecia, e o día 16 de abril, Domingo de Pascua, teremos ao grupo A.C. Brigantia, co que será clausurada a XIV Semana da Música Xosé Alonso”.
O alcalde salientou “a alta participación de veciños nestes actos que rodean á antiga catedral da sede mindoniense e que son parte da tradición da Semana Santa ademais dun grande atractivo turístico para o noso pobo. Devoción e música golpean ano tras ano os muros da catedral conservada máis antiga do sur de Europa, que o sábado 8 de abril contará coa presenza do bispo de Mondoñedo-Ferrol, monseñor Don Luís Ángel de las Heras Berzal, que lerá o pregón co que comezan os actos desta semana de paixón”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
