Lugo, 24 de maio de 2017.- A voceira do Grupo Provincial do PP, Elena Candia, lamenta que o Goberno da Deputación tardara dous anos en presentar unha ordenanza de recadación que xa propuxeron os populares en xullo do ano 2015. “Non tiveron nin a vontade de apoiala cando o presentou o PP e ademais tardaron dous anos en retomar a súa aprobación cando xa lles quedou o traballo feito”, precisa a popular.
A popular recorda que, nada máis entrar no Goberno como presidenta, o seu equipo presentou como unha das súas primeiras prioridades unha moción para adaptar a ordenanza de recadación á situación lexislativa e social vixente, unha proposta que o PSOE rexeitou.
O PP propuña solucións relacionadas coa vivenda, para o pagamento de débedas tributarias no caso de que afectara á vivenda habitual, de axustes para ter en conta as dificultades polas que pasaban moitas familias e moitas persoas na provincia. A proposta do PP incluía ampliar o límite para o cal están exentos de presentar garantías nos fraccionamentos e aprazamentos de pagamento os obrigados tributarios e tamén para deixar fóra do embargo a vivenda habitual no procedemento executivo.
En concreto, a iniciativa perseguía, en colaboración cos concellos, modificar a ordenanza de xeito que, comprobado que non existen outros ben ou medios de pagamento da débeda tributaria no procedemento de recadación executiva, non se proceda á execución do embargo da vivenda habitual como último recurso na recadación.
“Naquel momento os socialistas non tiveron a vontade nin a sensibilidade suficiente, de maneira que bloquearon este procedemento centrados solo nos seus intereses políticos e impediron co seu voto en contra que a Deputación prestase este servizo a custe cero para todos os municipios”.
Condicións laborais axeitadas
En relación con este asunto, desde o PP recordan que existe un acordo plenario de marzo deste mesmo ano no que a petición do Grupo Popular os socialistas teñen que albergar o servizo de recadación “de xeito urxente e inmediato nunhas dependencias que reúnan as condicións laborais axeitadas”. “Hoxe, ademais de chegar tarde coa ordenanza, perderon unha boa oportunidade para dicir cal vai ser ese novo emprazamento polo que seguen esperando os traballadores e traballadoras do servizo”.
O persoal adscrito a este servizo da Deputación desenvolve as tarefas que lle son encomendadas ao seu posto nunhas dependencias alugadas na Rúa Tui que non reúnen os requisitos legais en materia de saúde e seguridade laboral. Un informe elaborado por Traballo e Seguridade Social advirte da existencia de deficiencias en aspectos tales como falta de mantemento da estancia, unha dimensión do local inadecuada, así como problemas nos sistemas eléctrico, térmico e de ventilación.
A voceira critica que o equipo de Goberno da Deputación siga sen contar cunha folla de ruta sobre o futuro destes traballadores, logo de que pasaran case dous meses e non aclararan cal vai ser a solución. “Nós non impoñemos un lugar, pero esiximos unha solución rápida e que haxa vontade política de corrixir esta situación, pensando no dereito dos traballadores para prestar os seus servizos nas condicións axeitadas”. Os traballadores continúan nas mesas condicións, pese ás promesas e ás accións anunciadas que aínda a día de hoxe non se teñen cumprido”, apunta.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
