Lugo, 26 de maio de 2017.- O Grupo Provincial do PP amosa a súa preocupación porque o presidente da Deputación, Darío Campos, se ofreza como garante para abrir a residencia de Ribadeo cando non é capaz de abrir ningunha das súas. “Trata de comprometer fóra o que non é capaz de arranxar na súa casa e iso preocúpanos moito”, precisa a voceira do Grupo Provincial do PP, Elena Candia, “máis cando o socialista ten defendido en sede xudicial que a institución provincial non ten competencias sobre estes centros”.
Os populares consideran que o presidente da Deputación “tira a pedra e esconde a man” ao culpar á Xunta do retraso na apertura dos centros cando nos xulgados esgrime que a competencia para a prestación social dunha residencia da terceira idade é un servizo social especializado que en ningún caso é competencia provincial senón autonómica.
Así o recolle a demanda que interpuxeron os tres deputados do PSOE (Darío Campos, Pilar García e Lino Rodríguez) fronte á Sociedade Urbanística Suplusa co obxecto de impugnar o acordo do consello de administración sobre modificación dos estatutos sociais adoptado o 28 de xullo de 2016, e ao que previamente votaran a favor.
Nela explican que “en definitiva, a prestación social dunha residencia da terceira idade é un servizo social especializado, ou aínda interpretándoo de forma laxa, un servizo social comunitario específico, o certo é que a competencia, en ningún caso é provincial senón autonómica e, nalgún caso, municipal”.
A Xustiza desestima a demanda de Campos
O resultado é que a demanda interposta polo propio presidente da Deputación foi desestimada e, a día de hoxe, a Deputación de Lugo segue sen inscribir a Suplusa no RUEPSS, o paso previo e obrigatorio para que a sociedade poida ter a categoría de prestadora de servizos sociais, o que permitiría desbloquear a parálise á que o Goberno provincial ten sometidas as residencias de maiores.
Así, a voceira do Grupo Provincial do PP, Elena Candia, lamenta que tanto o presidente provincial como o alcalde de Ribadeo “intenten desprenderse das súas responsabilidades”. Así, recorda, o rexedor paralizou desde o ano 2014 a colaboración que a Xunta lle ofreceu para abrir a súa residencia ao non enviar o informe pertinente para poder concertar prazas e axilizar a súa posta en funcionamento.
Pola súa banda, Campos conta con varias residencias rematadas ou a punto de ser rematadas e un investimento comprometido de 23 millóns de euros e, non solo non sabe qué facer con elas, senón que cando ten oportunidade intenta desentenderse dicindo que non ten competencias para polas en marcha, pese a ter investido na súa construción.
“Mentres as residencias seguen a consumir recursos públicos e moitas delas xa están a deteriorase pese a que aínda non abriron as súas portas e ante a pasividade do Goberno provincial”, censura a popular. Así, a popular pídelle ao presidente provincial que o vindeiro martes na xunta xeral de Suplusa atenda a petición reiterada do PP de inscribir, dunha vez por todas, á Sociedade no RUEPSS.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
