Cervo, 26 de maio de 2017.- O Concello de Cervo clausurou esta tarde unha nova tempada das Escolas Deportivas Municipais cun acto no que participaron o alcalde, Alfonso Villares, e o edil de Deportes, José Ramón Soto, ademais doutros membros do equipo de goberno, e monitores, usuarios, e familiares dos pequenos.
A actividade tivo lugar no Pavillón de Cervo, no que un grupo de pequenos amosou ao público asistente parte do traballo que realizan durante o curso, facendo unha exhibición de patinaxe artística.
Ademais, dende o Concello como recordo, entregouselle aos asistentes unha revista con ilustracións e información de todas as disciplinas que abranguen estas Escolas Municipais e un agasallo aos pequenos.
A oferta deportiva das Escolas, que botaron a andar no ano 2007, pretende ser o máis ampla e diversificada posible, ofreciendo multitude de disciplinas como o fútbol sala, o tenis, o padel, o voleibol, a patinaxe artística e diversos xogos. para os máis pequenos.
E os adultos poden asistir a ximnasia de mantemento, pilates, aérobic e aerozumba.
Tal e como destacou Soto “a día de hoxe xa son máis de 200 usuarios os que participan nas actividades que programamos, e ver esas cifras e a entrega dos nenos,e tamén dos adultos, ao longo de todo o ano, fainos pensar, humildemente, que imos no camiño correcto, o que nos convida a continuar a traballar na liña de promover este tipo de accións”.
Nesta liña Villares sinalou que “a cultura deportiva é esencial para o benestar físico e emocional do ser humano, en todas as facetas do vida, nas idades temperás, pero tamén nas máis maduras; polo que eu como alcalde e como amante do deporte, recoñezo que me sinto orgulloso desta proposta municipal, porque cada ano vemos como o proxecto inicial medra e evoluciona grazas a implicación de todos”.
Villare quixo dar as grazas “aos monitores municipais polo grao de compromiso que amosan ano tras ano; ás familias, e como non aos propios usuarios, nenos e maiores, que fan que as Escolas Deportivas Municipais de Cervo podan ser unha realidade ano tras ano”.
Os rapaces, ademais, quixeron facerlle unha homenaxe a súa compañeira Lucía Soto, adicándolle un baile e facéndolle un agasallo, como mostra de cariño.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
