Lugo, 29 de maio de 2017.- O Grupo Provincial do PP na Deputación de Lugo acusa ao presidente da institución lucense, Darío Campos, que “de novo e unha vez máis” optase por antepoñer os intereses partidistas ás necesidades dos veciños e veciñas. Nesta ocasión o máximo representante do organismo provincial non asistiu á clausura da XVII Edición de Expomar, pese a ter anunciada a súa asistencia de xeito oficial e, no seu lugar, decidiu acudir a un acto de partido na cidade de Lugo.
Os populares na institución lucense reproban esta situación e consideran que Campos está a desatender a súa principal función, “que é a de ser presidente da Deputación e, polo tanto, máximo representante da institución”. “Estábase a celebrar a feira monográfica sobre un dos sectores máis importantes e representativos da nosa provincia e nin tan sequera foi quen de demostrar o compromiso que a Deputación de Lugo debera cos seus traballadores”, censuran.
“Primeiro anuncian pola canle oficial da institución a asistencia de Darío Campos á clausura de Expomar e finalmente mandan unha representante, cando estamos ante unha feira náutico pesqueira referente a nivel nacional, que ano tras ano está a ganar peso para responder ás necesidades do sector”, precisan.
Un presidente con pouco peso na Deputación e no PSOE
Dende o Grupo Provincial critican que dende que o presidente da Deputación tomara posesión no seu cargo, “sempre os problemas do Partido Socialista anegaron a institución lucense. Campos adoptou unha actitude de perfil, quedando moi demostrada a súa escasa capacidade de decisión tanto dentro na Deputación de Lugo como no propio PSOE provincial”, consideran dende o Grupo Popular.
“Á pouca capacidade de decisión que ten na Deputación súmase o nulo peso que ten no partido, tal e como demostra o feito de que nin tan sequera será delegado no Congreso estatal”, censuran os populares, que piden “unha maior seriedade e compromiso cos veciños. Están a demostrar que non son quen de estruturar o PSOE provincial, xerando unha imaxe esperpéntica. Esixímoslles que esta circunstancia non salpique a acción de Goberno da Deputación de Lugo”.
Polo tanto, o Grupo Provincial do Partido Popular no chega a entender como Campos decidiu darlle as costas a un sector cunha enorme contribución ao PIB da provincia. “Traballen pola provincia e abandonen a situación na que están sometidos e que está a danar a imaxe dunha institución como é a Deputación de Lugo”, esixen.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.