Os partidos políticos son creacións humanas non moi diferente dos clans, manadas, tribus, sectas e outras formas de agrupación natural de seres vivos moradores do planeta terra, que tamén teñen os seus manuais operativos e as súas estratexias, xa que logo nada nos estrañe que en cada combate cada cal venda as súas conclusións positivas.
Como os bos vendedores, os fracasos analízanse na intimidade e os triunfos póñense no taboleiro de anuncios. Non é máis que o reflexo dunha forma human de ser. Todos ensalzamos o que somos ou temos e escondemos ass nosas taras e aytrasos mentais. Si conseguimos facer ver aos nosos conxéneres que somos altos, guapos, ricos, intelixentes e cultos, mellor que mellor, así non descubrirán as nosas debilidades e sentirémonos máis seguros.
Pero tamén é certo que hai vendas e vendas, lecturas e lecturas. E a eterna cuestión ao final de cada proceso electoral consiste en resolver sobre a pregunta: Quen gaña? O que obtén máis escanos ou o que suma máis votos?, porque nun primeiro momento a prensa ávida e rápida para confeccionar os titulares oe e plasma o que se di no anuncio inicial, que é o que cala, logo virán as análises repousadas e o desmenuce, pero as caras da foto de portada xa reflectiron a alegría ou a mágoa case intuitiva de obter ou non a confianza cidadá para os próximos catro anos.
Ademais, a ilusión ou decepción non queda só nas figuras chamadas a competir na carreira electoral, senón que cada elector que depositou o seu voto sente dentro de si que gaña ou perde a súa opción. Algúns dirán: Tiña que haber ido?, pero xa é tarde, o tren pasa á súa hora e o viaxeiro atrasado quédase en terra apeonando e sen forza moral para esixir.
Vemos como facendo de tripas corazón, a vitoria cántase aiña e enxálzase para ocultar a súa cruz, as súas outras realidades.
Pero cando estamos no ecuador dos gobernos dos nosos concellos cave recordar que aquí pasou o que pasou. Un candidato-a á alcaldía que gaña as eleccións locais baixo as siglas dunha formación totalmente contraria á idiosincrasia maiormente conservadora do seu electorado, é doblemente victorioso, porque ten que vencer o rexeitamento ideolóxico inicial e ademais convencer da bonanza do seu credo. Un conservador gañando en territorio conservador é un resultado cantado, só ten que preocuparse de non queimar aos seus, pero pouco ou nada ten que facer para gañalos, carne sen ósos. É certo que na Mariña gañáron os do P P en concellos pequenos con moitos conservadores habitantes, porque os maiores núcleos de poboación da bisbarra votaron progresismo como corresponde ao seu propio dinamismo sociolóxico. Que pasara nas próximas?
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
