Ribadeo, 13 de xuño de 2017. O festival SonRock celebrarase o vindeiro sábado, 17 de xuño, no parque de San Francisco. A partires das once da noite actuarán as bandas Enxebre, Anima e Machina. O evento foi presentado polos concelleiros de Cultura e Xuventude.
O edil de Cultura, Farruco Graña, salientou que “un ano máis achégase o rock a Ribadeo. Esta é unha nova edición do SonRock Ribadeo na que van participar grupos como Enxebre, composto por veciños de aquí de Ribadeo e da zona, e os grupos Anima e Machina. Será o sábado, 17 de xuño, ás once da noite, no parque de San Francisco”.
O concelleiro ribadense declarou que “o que pretendemos desde as Concellarías de Cultura e de Mocidade é dar cabida tamén ao rock. En Ribadeo amamos a música, pero tamén nesta ocasión queremos mostrar o noso afecto con son forte e son vibrante a través dos grupos Enxebre, Anima e Machina. Queremos dar o noso apoio a este estilo musical”.
Pola súa banda a concelleira de Xuventude, Vanesa Yanes, explicou que “Anima defínese como unha banda de rock alternativo progresivo que tivo o seu primeiro directo no Aversion Fest, teñen tocado no Resurrection Fest e noutros festivais compartindo escenario con grupos como Def con Dos”.
Yanes engadiu que “Machina son unha banda de Cerceda que se move entre o metal, o hardcore, punk e outras tendencias. Ata a actualidade a banda ten publicado un EP, Acouga, dous discos, Postbravú e Ensaio sobre o silencio e un novo EP titulado O síndrome de Narón. Enxebre é un grupo local de Ribadeo que xa ten demostrado en diferentes festivais e concertos a súa valía musical”.
Para o concelleiro de Cultura “ademais da innegable calidade musical de todos estes grupos, o que queremos destacar especialmente é que xente como Enxebre, Machina e outros grupos que teñen pasado polo SonRock Ribadeo apostan polo uso do galego neste estilo musical. Moitas veces escoitamos dicir que o rock non só ten que ser en inglés, que outras linguas serven para tocar rock e facer música rock, pois o galego tamén. Nesa ocasión apostamos tanto pola música rock como por aqueles grupos que se animan a usar o galego para as súas composicións musicais”.
A edil de Xuventude quixo animar á xente a acudir ao SonRock: “animámosvos a todas e a todos a vir ao concerto o sábado 17 de xuño, ás once da noite no parque San Francisco”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
