Lugo, 16 de xuño de 2017. O Pleno da Deputación aprobou por unanimidade o Plan Único que presentou o Goberno da Deputación á sesión extraordinaria, que tivo lugar este venres, para investir 23,1 millóns nos 67 Concellos co obxectivo de reactivar a economía e impulsar as prestacións públicas, os servizos sociais e o emprego na provincia. Hoxe tamén se acordou, co apoio de toda a Corporación Provincial, a modificación orzamentaria para a incorporación de 10 millóns de euros de remanentes a esta programación. E é que o Plan Único financiase con 20 millóns do organismo provincial (10 do orzamento 2017 e outros 10 de remanentes) e con 3,1 que decidiron achegar os municipios.
Aprobado o plan, o Goberno da Deputación ofrece aos 67 Concellos un anticipo do 80% dos fondos que lle corresponden, e que poden solicitar a partir de hoxe mesmo á institución, para que o Executivo Provincial poida inxectar nas arcas municipais un total de 16 millóns de euros a partires do mes de xullo, que é cando finalizan os prazos legais de exposición ao público deste proxecto. Foi o propio Presidente, Darío Campos Conde, o que quixo incorporar nas bases do Plan Único este adianto, seguindo a liña de cooperación cos Concellos que sempre defende e aplica, pois Campos Conde introduciu anticipos en todas as programación da Deputación que puxo en marcha.
Para reactivar a economía da provincia e mellorar as prestacións públicas no rural, o Presidente fixou nas bases do Plan Único que, como mínimo, o 50% dos 20 millóns fosen para novos investimentos nos 67 municipios. Ademais, limitou os gastos correntes á contratación de desempregados lucenses e profesionais do ámbito social para reforzar o emprego e os servizos sociais na provincia.
Campos Conde acadou estes obxectivos polos seguintes motivos:
– o 70% dos fondos, é dicir, 13,6 millóns de euros, son para a execución de 266 obras de mellora en prestacións públicas de todos os municipios, que manterán ou xerarán un mínimo de 930 postos de traballo durante a súa realización.
– 1,8 millóns de euros son para a atención profesional de 3.000 maiores da provincia, aos que non atende a Xunta por non estar catalogados como dependentes, coa contratación dun mínimo de 155 profesionais a xornada completa e durante 1 ano. É o presuposto para o Servizo a Domicilio a non dependentes, que permitirá ofrecer 330.000 horas de atención, que representan 110.000 horas máis que no 2016.
– 3,6 millóns son para a contratación duns 300 desempregados lucenses cos que reforzar a prestación de servizos municipais nos Concellos. É o presuposto do DEPUEMPREGO, co que o Goberno da Deputación asume todos os custos laborais de novos traballadores.
Tendo en conta os postos de traballo dos profesionais do Servizo a Domicilio a non dependentes e os do DEPUEMPREGO, o Executivo Provincial asumirá os custos pola xeración dun mínimo de 450 novos empregos na provincia de Lugo.
Turismo, cultura e deportes
Na procura de máis investimentos, o Presidente estableceu nas bases que as axudas para feiras, mercados ou festas de exaltación gastronómica fosen, como máximo, de 6.000 euros, ou a mesma que na anualidade pasada, no caso de seren maiores. Tamén fixou que o orzamento para actividades culturais e deportivas acadase como moito os 8.000 euros. En ningún caso, se financian actividades que empreguen animais non domésticos para exhibicións ou comercializacións, así como para espectáculos, por exemplo touradas ou circos; ou aqueles eventos nos que se faga un uso sexista da identidade sexual ou con connotacións pexorativas da identidade sexual ou de xénero.
Finalmente, achéganse 330.000 euros para 71 citas turísticas e gastronómicas en 52 Concellos; 339.000 euros para 119 actividades culturais en 46 Concellos; e 242.000 euros para 78 iniciativas deportivas en 42 Concellos.
Distribución dos fondos
Campos Conde quixo distribuír os 20 millóns de euros nos 67 Concellos en base aos criterios totalmente obxectivos, que foron aprobados pola FEGAMP: superficie, poboación, entidades de poboación e o índice de envellecemento. Estableceu un máximo de 500.000 euros e un mínimo de 150.000 euros por municipio para favorecer o rural. En base a isto, os municipios de Negueira de Muñiz e Rábade, que son de menos poboación e superficie na provincia, reciben preto de 190.000 euros; e os de Monforte de Lemos, Sarria, Vilalba, Lugo e Viveiro, con máis veciños e extensión, 500.000 euros.
Plan Único da Xunta en Lugo
Campos Conde defende que o Goberno Provincial na Deputación “ten demostrado que traballa para os mais de 300.000 lucenses dos 67 Concellos da provincia”, pois todas as programacións foron para o conxunto de veciños e municipios, ao tempo que os seus fondos se distribuíron en base a criterios obxectivos ou ben por concorrencia competitiva. Son exemplo disto os 11 millóns de 2016 para o DepuEmprego, Servizo a Domicilio para persoas non dependentes, Plan Enerxético ou as axudas de deportes e cultura…; a maiores do Ben Empregado 3 de 2,5 millóns, o Plan de Mellora de Equipamentos e Infraestruturas no rural de 1,5 millóns, ou as subvención de case 1 millóns para asociacións culturais e clubs deportivos, entre outros plans. O Presidente reclama á Xunta unha programación autonómica, totalmente obxectiva, que garanta investimentos públicos xustos para todos os lucenses.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
