Cervo, 29 de xuño de 2017.- O Concello de Cervo, a través da delegación de Xuventude que dirixe Dolores García Caramés, programa diferentes actividades lúdico-culturais para a xuventude durante os meses de xullo e agosto.
Tal e como sinalou Caramés “os rapaces poderán participar nun taller de cómic, no obradoiro dunha webserie, nun taller de graffitis que se desenvolverá nun espazo habilitado na zona da Veiga, nun obradoiro de modelado e animación; e en todo tipo de deportes acuáticos, como son o surf, as rutas en kaiaks, o paddle surf ou a coñecida como banana”.
Son todas elas actividades pensadas para os nosos mozos, para que gocen do tempo de lecer, ao tempo que toman contacto con novas disciplinas que tamén lles poden resultar útiles, nalgúns casos, para o seu futuro profesional”
O programa de Xuventude arrinca o 7 de xullo, cunha actividade de surf na praia da Limosa e prolongarase ata finais de agosto.
Pretendemos darlle á xuventude alternativas de ocio que favorecen a súa socialización ao compartir experiencias con outros mozos e mozas.
As actividades levaranse a cabo os venres en horario de mañá e as persoas interesadas, que teñan entre 12 e 17 anos, poden anotarse na Casa da Cultura, no teléfono 982.879.583, enviando un whatsapp ao 691.656.600 ou a través do correo dinamizacion@concellodecervo.com.
Enredos de Verán e repasando en Verán
Por outra banda, mañá pecha o prazo de inscrición para unha nova edición do programa Enredos de Verán, dirixido a rapaces de entre 3 e 12 anos.
A edil de Cultura e Educación, Dolores García Caramés, convocou unha reunión para mañá venres, ás 20:00 horas, no auditorio da Casa da Cultura para dar a coñecer os horarios e grupos de todas as actividades; na que se fará entrega dun completo calendario aos participantes.
Entre as actividades destacan unha semana adicada á seguridade, na que poderán ver en primeira persoa as ferramentas de traballo dos corpos e forzas de seguridade e recibirán clases prácticas nesta materia. Estre as actividades deseñadas, haberá unha xornada na que os pequenos poderán acceder ao barco da Garda Civil, que se desprazará ata San Ciprián. Ademais, os membros de protección civil impartirán un obradoiro de primeiros auxilios.
Tamén se levará a cabo un circuíto de educación viaria co fin de que ,tal e como sinalou Caramés, “os pequenos tomen conciencia e adquiran os hábitos adecuados relacionados coa seguridade viaria e que participen do tránsito dun xeito activo e máis responsable”.
Haberá tamén todo tipo de xogos acuáticos, skate e moitas outras actividades ao aire libre durante estes dous meses.
Ademais, tamén haberá unha semana adicada a sensibilización ambiental, programada dende a delegación de Medio Ambiente que dirixe Manuela Méndez, coa que se pretende incidir na concienciación e no respecto á contorna a través de diferentes actividades pensadas para os máis pequenos.
Por outra banda, dende a delegación de Cultura tamén se deseñou un novo calendario de Repasando no Verán para rapaces de todas as idades que se impartirá nos diferentes locais sociais das parroquias e no que se desenvolverán “todo tipo de actividades de reforzo, cálculo, clases de inglés, e ensinaranse e poñeranse en práctica técnicas efectivas de estudo como a realización de resúmenes e esquemas”.
A edil de Educación suliñou que “tentamos ofrecer unha oferta lúdica-educativa variada e completa para os nosos nenos, brindándolle ás familias unha ferramenta de conciliación nestes meses estivais”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
