Ribadeo, 21 de xullo de 2017. A Agrupación Cultural Francisco Lanza, nas súas XV Xornadas de Historia Local, quere pór en valor a historia, cultura e lingua da “Comarca do Eo”, algo que une o pobo das dúas beiras do río Eo. Este río non separa, todo o contrario: a historia das dúas marxes, aínda hoxe estando administrativamente en diferentes comunidades autónomas, foi sempre unha, o que se reflicte nunha cultura e nunha lingua común. A relación entre as persoas foi sempre moi intensa, e Ribadeo, tradicionalmente, un punto de encontro.
Por esta razón, desde a A. C. Francisco Lanza consideramos que Ribadeo debe facer unha homenaxe a esta convivencia e darlle o protagonismo a aquelas persoas que neste momento están a manter e dignificar a cultura e lingua da zona oriental e os vínculos tradicionais entre as beiras do río.
Nestas XV Xornadas de Historia Local, teremos dúas charlas-coloquio. A primeira delas, o día 26, mércores, tratará sobre “A cultura como valor económico na Comarca do Eo”; será Ángel Prieto Souto, presidente da Asociación San Tirso del Eo, o que nos falará sobre este tema. O segundo día, xoves 27, a lingua será o tema de debate, baixo o título “A comarca do Eo, unha soa lingua”; Héctor Acebo, poeta e xornalista, e Enrique González, “Quique do Roxío”, poeta e activista cultural, disertarán sobre a situación do galego na marxe asturiana.
O primeiro día, despois da charla, poderemos escoitar a actuación do Grupo Toyemerendas, da Veiga.
Como vén sendo habitual, as actividades levaranse a cabo no salón de actos da Casa do Mar, ás 20:30 h.
Seguindo con esta idea, e durante a última quincena de xullo e o mes de agosto, Palabras no balcón difundirá versos de poetas orixinarios ou con vínculos coa marxe oriental do río Eo: Moisés Cima, Viqui Veiguela, Aurora García Rivas, Xavier Frias Conde, Héctor Acebo, Quique dos Roxíos, Belén Rico Prieto e Crisanto Veiguela Martíns…
A finais de agosto difundiranse estes e outros poemas nun recital público, nas escaleiras da rúa San Francisco, actividade na que poderán participar todas aquelas persoas que así o desexen.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
