O socio de acollida deste programa europeo é a Asociación de Profesores de Automoción de Galicia, que preside o ribandense Álvaro Doural. Tras a xornada matinal de traballo e o xantar os asistentes están a facer unha visita polo casco antigo de Ribadeo e irán tamén á praia das Catedrais. Este venres, desenvolverase unha nova xornada de traballo e avaliación final do proxecto no que levan traballando desde o ano 2015 e analizarán a solicitude dun novo en 2018. Pola tarde ás 20 horas terá lugar unha presentación do devandito programa a outras entidades da Mariña luguesa. Os asistentes a este encontro visitarán o sábado as localidades de Barreiros e Mondoñedo. Pola noite terá lugar unha cea de despedida e o domingo finalizará a súa estadía en Ribadeo co retorno aos seus países de orixe.
Comezou este venres a xuntanza do proxecto Networking on mobility and innovation in vocacional training na que están a participar profesores de FP chegados desde Polonia, República Checa, Italia, Estonia e Croacia
Relacionado
-
Quedou estabilizado ás 23.48 horas deste luns o incendio do concello de Xermade, parroquia de Roupar, que segundo as últimas estimacións afecta unha superficie de 35 hectáreas
-
Guille, Sandra e Pita proclamáronse gañadores do VIII Mus na Praia, organizado pola asociación cultural LuMus o pasado sábado en Ribadeo
-
A Presidenta da Deputación, Carmela López, asistiu en Burela ao partido do Mundial entre España e Cabo Verde na fan zone impulsada pola institución provincial, unha xornada que reuniu milleiros de persoas con concertos, arte e competicións deportivas, e que incluíu a retransmisión do encontro nunha pantalla xigante na Praza da Mariña
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
