Burela, a 15 de setembro de 2017. A CIG-Saúde quere manifestar a súa sorpresa ante a “desaparición” da denuncia presentada na Inspección de Traballo pola ausencia de medidas preventivas no almacenamento e condicións de uso de formaldehido no Servizo de Anatomía Patolóxica do Hospital da Costa. A denuncia foi rexistrada o pasado 11 de abril no portelo único, está acreditado que foi remitida dende o Concello de Burela e incluso, semanas despois, en chamada telefónica, a autoridade laboral confirmou que xa había unha inspectora asignada para investigar os feitos denunciados.
Porén, ante a demora na actuación, CIG-Saúde da Mariña púxose en contacto novamente coa Inspección de Traballo e a sorpresa foi máxima cando nos comunican que non teñen constancia da mencionada denuncia, nin aparece o escrito por ningures. Para a CIG resulta incomprensíbel como puido “desaparecer” unha denuncia sobre un tema tan sensíbel cando, presuntamente, xa tiña inspectora asignada.
Estes feitos (sumados ao desleixo do SERGAS, que continúa negando a situación de risco e asegurando que os niveis “son aceptábeis”), suporá atrasar a adopción de medidas que garantan a protección da saúde e a seguridade dos traballadores e traballadoras. Así as cousas, a CIG-Saúde xa rexistrou de novo a denuncia , agardando que desta volta non se perda misteriosamente polo camiño.
Axente canceríxeno e mutáxeno 1B
Cómpre lembrar que o formaldehido é amplamente utilizado na contorna hospitalaria como axente conservante e fixador de tecidos. O seu uso é tamén xeneralizado nos laboratorios de anatomía patolóxica, onde existe unha exposición importante por parte dos traballadores e traballadoras. Trátase dun composto que causa irritación das vías respiratorias superiores, asma e bronquite, mentres que por contacto pode causar eccemas alérxicos, ademais de efectos canceríxenos.
De non tratarse coas medidas adecuadas, esta situación pode xerar un problema serio de saúde ocupacional para o persoal empregado nos laboratorios de anatomía patolóxica. Ademais, no servizo non existe ventilación xeral (obrigando a abrir fiestras e usar ventiladores portátiles), e no que respecta á existencia de extraccións localizadas na zona de manexo de formaldehido soamente existe na sala de tallado, non hai ningún armario nin local específico para o almacenamento da substancia con extracción e a sala de autopsias non cumpre os requisitos para o seu fin a nivel material e de espazo, atopándose nunha situación insalubre.
Dende CIG-Saúde da Mariña reiteramos a necesidade de priorizar a seguridade no traballo, cos mínimos de calidade esixíbel, e reclamamos á Xerencia Executiva do Hospital da Costa que adopte todas as medidas precisas para garantir un entorno laboral libre de riscos.
CIG-Saúde manifesta a súa sorpresa pola “desaparición” da denuncia presentada ante a falta de medidas preventivas no Servizo de Anatomía Patolóxica
Relacionado
-
A asemblea local do BNG de Vilalba designa a Alfonso Baamonde Fernández como novo concelleiro
-
O Pleno de Viveiro abordará a Medalla de Ouro para a Xunta de Cofradías, a renovación do céspede do Marcos Gómez e a adhesión á Rede de Cidades Amigables
-
Os GALP poñen en marcha un proxecto para fomentar o emprendemento a través da transformación do produto pesqueiro
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
