Esa frase é a que me dixo un neno cando lle tentaba explicar que tiña que esperar. Gústame explicarlles as cousas ós rapaces no canto de impoñer, pero neste momento desarmoume, non teño moitos máis argumentos que darlle, máis alá de pedirlle que teña paciencia. Coma él, hai case unha ducia de nenos no CD Burela FS.
Todo isto ven derivado do conflito entre as federacións galegas de fútbol e fútbol sala que a Xunta unilateralmente decidiu en favor do fútbol e sen consultar ós clubs afectados. Antes disto ata a categoría xuvenil, na que a división de honra de fútbol sala está rexido pola RFEF, as licenzas federativas, que levan consigo o seguro, formalizábanse de xeito sinxelo, fose cal fose a orixe dos rapaces. Agora, como tódalas categorías pertencen á FGF, en calquera categoría se atopa unha lista interminable de trámites e documentos que os rapaces de orixe estranxeira teñen que firmar e presentar para poder xogar no seu equipo. Como se fosen delincuentes, e só son nenos
Todo isto é debido a unha lei da FIFA creada logo de que o Barcelona, o Real Madrid e o Atlético de Madrid foran sancionados por incorporar menores estranxeiros de forma ilegal. Neste tempo, estes tres equipos dominan o fútbol europeo. Actualmente, a sanción contra o Atlético segue vixente, pero a RFEF tramitou a ficha dun xogador co Las Palmas, cando é público que en Xaneiro vai ser incorporado polo Atlético. Esa licencia si que se tramita, a dos nenos, de momento, ten que esperar, do mesmo xeito que vén acontecendo dende fai 3 anos, cando a SD Burela se enfrontou á este mesmo problema.
Por outra banda, por parte da FGF díxoselle ós clubs fútbol e futsal que eran irmáns xemelgos, que benvidos á vosa casa. Pero cando se chama por teléfono á federación, como se indicou en caso de dúbida, deixan moi claro cal é o irmán predominante. Tamén se indicou que o fútbol sala escolar e local seguía como estaba, pero cando contabilizaron o número de licencias, o seu gran obxectivo para percibir unha morea de cartos por dereitos televisivos, asumiron a súa xestión. A consecuencia é que de momento tampouco os nenos destas categorías poden ser asegurados e tampouco poden comezar a adestrar e xogar coma os seus compañeiros. Queren as licencias pero non queren o traballo que supón tramitalas, porque o fútbol sala estórballes. Eses nenos estórbanlles.
Entón a única solución que atopo é dicirlles ós señores da FGF que lle expliquen a ese neno porqué non pode xogar. Porqué un deporte que debería estar orientado cara o público e como exemplo de valores para os nenos, da as costas a todo iso e ten como emblemas aqueles clubs sancionados e xogadores que son como estrelas de rock, que tentan humillar sistemáticamente ó que ten enfronte, sen o mínimo atisbo de deportividade. Estes clubs só queren gañar, os nenos só queren xogar!
Mario Pillado Non
Voceiro do BNG en Burela e monitor no CD Burela FS
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
