Burela 10-10-17. O Pescados Rubén Burela FS despediuse hoxe do seu percorrido en Copa do Rei, caendo en dezaseisavos fronte ao Santiago Futsal por 2-4. Aos de Juanma Marrube penalizáronos en exceso os erros ante un rival de Primeira División que traía as cousas moi claras a Vista Alegre e soubo ampliar a súa axustada renda de 1-2 nada máis comezar o segundo tempo ata o 1-4.
Antes de chegar ao ecuador da primeira parte Santi adiantou os composteláns, ao segundo pau, tras pase de Everton, nun fallo dos locais. Hugo Sánchez tivo a oportunidade de ampliar distancias ante un Álex adiantado, nun balón que se marchou polo fondo lixeiramente desviado. No 13 o meta Víctor López viu a vermella nunha saída fronte a Hélder. Buscou o empate o Burela FS na superioridade e atopouno Chus segundos despois, co viveirense Iago Barro baixo paus, nun potente disparo desde a banda. Con todo, os de Santi Valladares lograron volver dominar o marcador tan só un minuto e medio despois, cunha galopada de Everton nunha transición desde a banda.
Xerro de auga fría o que recibiu o Pescados Rubén tras o descanso. O 1-3 para os santigueses anotouno Zequi na primeira xogada tras o regreso dos vestiarios, a pase de Álex Diz. Outro dos Diz, Antonio, foi o encargado de poñer o 1-4, pouco despois, aproveitando un balón morto fronte a Álex; antes Renato tivera unha grande oportunidade fronte a Iago Barro. Intentárono ata a extenuación os laranxas; volveu probar Renato, seguido de Chus con boa reacción do meta ex-burelista; moi incisivo, Colacha, no 25 e 27, tampouco puido sorprender a defensa santiaguesa e ata a Luisma, no 33, deulle as costas a fortuna leándose na área co balón a punto de caramelo. Con case catro minutos por diante, Chus vestiu a camisola verde, de porteiro-xogador. A falta de 4 segundos Luisma subiu o definitivo 2-4.
Semana de derbis
Os de Juanma Marrube completarán a semana de derbis o sábado en Lugo, como colofón das festas do San Froilán, na 5ª xornada de Segunda LNFS fronte ao Prone (18.00 horas, Pavillón Municipal de Deportes).
Todos os interesados en presenciar o encontro poderán facelo por tan só 10 euros na viaxe organizada polo club laranxa. Data límite para apuntarse: Mércores 11, 18.00 horas
Horarios:
Saída: Sábado 14 de outubro, Vista Alegre (cafetería), ás 16.00 horas
Destino: Pavillón Municipal de Deportes de Lugo
Partido: Prone Lugo-Pescados Rubén Burela FS (18.00 horas)
Regreso: Ao final do encontro
Ficha técnica
Pescados Rubén Burela FS: Álex, Víctor, Hélder, Renato, Cora, cinco inicial; tamén xogaron Pope, Chus, Colacha, Luisma, Pitero, Nito
Santiago Futsal: Víctor López, Antonio Diz, Hugo Sánchez, Zequi, Álex Diz, cinco inicial; tamén xogaron Everton, Santi, Catela, Álex Velasco, Brian, Iago Barro, Miguel Salgado
Árbitros: Martínez Torres // Ferrero Carballal (Pontevedra). Por Burela, amarelas a Víctor e Luisma. Por Santiago vermella para Víctor López (minuto 13); amarela a Catela.
Goles: 0-1, minuto 10, Santi; 1-1, minuto 14, Chus; 1-2, minuto 16, Everton; 1-3, minuto 21, Zequi; 1-4, minuto 22, Antonio Diz; 2-4, minuto 40, Luisma
Incidencias: Encontro correspondente a dezaseisavos de Copa do Rei disputado no Vista Alegre antes uns 600 afeccionados/as. O conxunto xuvenil do Pescados Rubén Burela FS ofreceu á Bomboneira o trofeo de campión de liga de División de Honor 2016-17, xunto ao presidente, Manuel Blanco, e ao directivo Rubén Blanco.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
