O Vicedo 1-11-17. Nordés Faladora presenta a segunda parte dun ciclo anual sobre ecoloxía, alternativas e cooperativismo que comezamos en marzo coas “Xornadas forestais”. Convidámosvos o sábado 4 de novembro ás “Xornadas sobre agricultura ecolóxica”, con actividades abertas para todo o mundo.
Estas charlas informativas teñen como fin poñer en contacto proxectos e persoas con inquietudes semellantes, tendo como base en todo o momento o desenvolvemento económico da zona a través de alternativas sostibles. Nordés quere proporcionar diferentes opcións que teñan en consideración o valor da nosa terra e da poboación que quere coidala e ademáis vivir dela, ben a tempo completo ou como complemento. Por iso, durante este día se falará de claves de comercialización e de expectativas de negocio.
Nas xornadas estará presente “Economato Macabeo”, un grupo de tendas da Comunidade de Madrid que ofrece todo tipo de productos ecolóxicos e bio, seguindo un modelo tradicional de compra-venta e con prezos xustos, que traballan directamente con agricultor@s e produtor@s. A benvida a estas xornadas será ás 10:30h. no Salón de Actos do Concello de Mañón, no Barqueiro: alí poderedes degustar cafés e infusións ecolóxicas antes da charla que comezará ás 11:00h. Alberto López e José Luis Villarejo, o xerente e o xefe de compras respectivamente de “Economato Macabeo”, achéganse para falar da agricultura/gandería ecolóxica e da situación da súa produción e comercialización no panorama español.
Ás 14:00h. haberá un xantar no “Hotel Semáforo de Bares” (en Bares) onde o menú estará composto totalmente por produtos ecolóxicos, dende o proceso de cociñado ata as bebidas: táboa de queixos e patés, ensalada de follas variadas, froitos secos, queixo e demáis; crema de cabaza; polo guisado; e compota de mazá. A sobremesa xirará ao arredor da degustacións de cafés, infusións e licores. Esta é a única actividade para a que é preciso anotarse, porque hai 20 prazas, no 653756454 ou enasociacion.nordes@gmail.com. O prezo do menú son 15€ por persoa.
Xornadas sobre agricultura ecolóxica
-
-
SeguinteA alcaldesa, Elena Candia, recibiu ao presidente do Consello da Cultura Galega e asistentes ao Congreso de Galicia-Bretaña: un enfoque comparado de dous finisterrae europeos, que se celebrou nesta localidade dende o 30 de outubro ata este mércores, e que está organizado polo Consello da Cultura Galega
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
