Viveiro 7-11-17. A campaña “Restaurantes contra el Hambre” é a maior iniciativa solidaria da hostalería en España, promovida por Acción contra el Hambre en colaboración coa Federación Española de Hostalería. Un dos dous restaurantes na Mariña de Lugo que participa nesta edición é As Tixolas (Covas-Viveiro), mentres que de toda a provincia de Lugo son cinco os restaurantes adheridos, e trece en toda Galicia.
O menú solidario que ofrece As Tixolas consta de 5 pratos, postre, café de pota, chupito e cañita rechea de crema, todo por 19 euros. O menú, que se renova cada poucas semanas, consta agora mesmo de Pan de cristal con langostinos ó allo, panceta ibérica, allos tenros e ovo roto; Pata de polbo á brasa; Espaguetis con cogomelos en prebe de foie; Ovos rotos con xamón ibérico; Meixela de porco á sidra; Tarta de queixo e mango; Café de pota, Chupito e Cañita rechea de crema.
A campaña, que se ven celebrando entre os meses de setembro e novembro desde 2010, remata o vindeiro 15 de novembro. Os hostaleiros únense deste xeito para loitar contra a desnutrición infantil, servindo “os pratos que máis alimentan”, xa que por cada menú vendido unha parte (de 0,50€ a 2€, segundo o importe do menú) destínase a Acción contra el Hambre para a prevención, diagnóstico e tratamento da desnutrición.
“Pode parecer unha cantidade pequena, pero gracias a esta iniciativa na campaña do ano pasado recaudáronse en toda España 190.000 euros, con pequenas aportacións prato a prato”, asegura José Manuel Vázquez, responsable do restaurante As Tixolas, que leva colaborando xa sete anos con esta iniciativa solidaria.
Segundo datos de Acción contra el Hambre, durante os últimos cinco anos conseguiuse tratar a dous millóns de nenos con unha desnutrición aguda e facilitar alimentos e medios de vida a máis de doce millóns de persoas.
As Tixolas ofrece un menú solidario en Viveiro “contra a fame”
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
