Cervo, 7 de novembro de 2017.- O Concello de Cervo vén de reforzar a calidade do servizo municipal da Piscina Olímpica de Lieiro coa adquisición, en réxime de renting, dun novo robot limpafondos de última xeración, automático e programable.
O rexedor, Alfonso Villares, e o edil de Deportes, José Ramón Soto, achegáronse ata as instalacións esta mañá, para ver o funcionamento da nova máquina.
Tal e como explicou o rexedor “este robot substitúe a outro que tiñamos, non tan moderno, de tal xeito que vimos de subscribir un contrato de catro anos coa empresa de renting, abonando uns 310 euros ao mes, o que se traduce nuns 3.700 euros anuais”.
Villares engadiu que con esta nova máquina seguimos a mellorar o rendemento destas instalacións municipais, coas que temos o privilexio de contar no noso Concello, de tal xeito que “conseguimos unha limpeza dos fondos e das paredes da piscina moito máis profunda e unha excelente calidade da auga”.
O alcalde apuntou, así mesmo, que o mantemento dunhas instalacións públicas como estas require dun gran esforzo económico, e o noso obxectivo é garantir a calidade dos nosos servizos; para elo periodicamente investimos fondos municipais “para que as nosas instalacións deportivas sigan a ser un referente na zona”.
Así, Villares recordou que o aluguer deste novo robot vén a sumarse a outras actuacións que fixemos en meses pasados “dirixidas fundamentalmente á zona do vaso; e tamén se fixeron traballos de mantemento na zona mecánica da piscina que rondaron os 6000 euros de inversión procedentes integramente de fondos municipais”.
Soto recordou que as persoas interesadas en inscribirse nos diferentes cursos que se imparten por grupos de idade e diferentes niveis, dende inciación a perfeccionamento; ou actividades como aquagym e natación para embarazadas, poden facelo ou ben achegándose ata as instalacións, ou ben chamando ao número de teléfono da Piscina Municipal 982.59.45.12.
O edil apuntou que a inscrición incrementou este curso case un 20% respecto ao pasado, superando os 330 cursillistas; polo que, tendo en conta os socios, superamos amplamente os 1000 usuarios”.
Soto tamén subliñou que “a filosofía do Concello de Cervo é promover a práctica deportiva no seu conxunto dende as idades máis temperás; e con ese obxectivo ofrecemos de balde ás ANPAS do noso municipio os diferentes cursos de natación para os pequenos; con convenios especiais tamén con outras ANPAS doutros Concellos da contorna”.
O Concello de Cervo mellora a calidade do servizo da piscina olímpica coa adquisición en réxime de renting dun novo robot limpafondos de última xeración
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
