Foz 6/11/2017.- Co ánimo da defensa duns servizos sociais públicos e dignos e a transparencia na Administración Pública dende o PSOE de Foz tomouse a decisión de dirixirse ao Sr. Conselleiro de Política Social que preside o Consorcio Galego de Servizos de Igualdade e Benestar para solicitarlle que faga un seguimento pormenorizado do concurso para a xestión da de nova Residencia de Foz.
Logo de que saltasen todas as alarmas coa publicación de certas declaracións da persoa que xestiona o actual asilo a través de Mensajeros de la Paz, nas cales afirma ter o compromiso do Concello de que, en breves, estarán na nova residencia, dando a entender que será a esa entidade, Mensajeros de la Paz, a que se fará coa xestión da nova residencia e mais, tendo en conta que aínda nin redactaron nin publicaron as bases do mesmo, a dirección socialista tomou a decisión de poñerse en contacto co Conselleiro de Política Social da Xunta de Galicia.
Non pode resultar estraño que aos socialistas nos salten as alarmas – explican tanto o grupo municipal como a executiva local – máxime cando a idea do alcalde de Foz, desde o primeiro día, sempre foi a de ceder “a dedo” a residencia a dita entidade. Así o manifestou en diferentes medios de comunicación e así o levou no seu día a pleno, nunha proposta de alcaldía na que expoñía, con total claridade, que a súa intención era, tras solicitar do Consorcio a cesión da residencia ao concello por un período de entre dous e catro anos, asinar un convenio con Mensajeros para que fose esta entidade a que levase a xestión da nova residencia, sen que se sacase a concurso en liberdade de concorrencia con outras empresas do sector.
Non obstante e á vista da resposta dada polo Consorcio, na cesión o uso do inmoble e equipamento para que o Concello asuma a xestión integral de dito centro, onde se especifica con claridade, que pode facelo directamente ou indirectamente a través das diversas modalidades de contratación da xestión de servizos públicos establecidos na normativa dos reguladora dos contratos do sector público e demais normativa de aplicación vixente, o alcalde por fin, parece comprender o que dende as filas socialistas sempre se expuxo e reclamou tanto en plenario como nos medios de comunicación, que asinar un convenio para ceder a xestión á entidade Mensajeros de la Paz, sen sacalo a concurso público era algo que, a parte de non axustarse a dereito, era de imposible realización por ser presuntamente ilegal, informa de vai proceder á elaboración dunhas bases para sacar a concurso público a xestión da residencia.
Dados estes antecedentes, xorden moitas dubidas no PSOE de Foz sobre si as bases para o concurso público que se van a elaborar dende o concello, serán redactadas á medida e pensando en favorecer a dita entidade o que incorrería en un acto de prevaricación administrativa, facendo que se tome a decisión de solicitar ao Sr. Conselleiro que vele pola máxima transparencia e lexitimidade de ditas bases e dito concurso público e para que se asegure a igualdade de oportunidade dos licitantes tal e como se expón na Lei de Contratos do Sector Público.
Os socialistas, como oposición, estamos obrigados a vixiar e fiscalizar ao goberno e sempre esixiremos que as cousas se fagan de maneira transparente e legal e mais vista a traxectoria no xeito de actuar do alcalde onde, os “amiguismos”, teñen un peso moi importante á hora das adxudicacións de obras e proxectos públicos en Foz. Sirvan como exemplo as últimas, a adxudicación da redacción dun proxecto para unha senda peonil concedido, por varios miles de euros á empresa de un ex-concelleiro do PP, para quedarse en papel mollado dentro dun caixón, pois non tiña a disposición os terreos por onde planeaba que pasase dita senda ou o escandaloso caso da reforma pavillón de Marzán, onde resultou adxudicataria a “construtora de cabeceira” da alcaldía, cunha rebaixa temeraria de 100.000 euros e agora, vemos que o alcalde estudia darlle novas actuacións por valor dos cen mil euros rebaixados.
Diante desas novas actuacións no pavillón, si supoñen facer melloras, perfecto adiante, non obstante, os socialistas, estaremos vixiantes e ou ben anuncia un novo concurso público para as mesmas ou si as fai en base ao contrato antigo, esixiremos que a dirección de obra faga un proxecto modificado e que este pase por un inspector.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
