Cervo, 19 de decembro de 2017.- O Concello de Cervo vén de iniciar os traballos de roza e desmonte para o trazado do Paseo Peonil de Sargadelos, que unirá a Fábrica de Cerámica co futuro Centro de Artesanía e o edificio das Antigas Naves de Fundición; é dicir, co Conxunto Histórico Artístico.
O alcalde de Cervo, Alfonso Villares, o edil de Obras, Plácido Pérez, e a de Medio Ambiente, Manuela Méndez, estiveron supervisando os traballos que contan cun orzamento de 158.743 euros, froito dun convenio asinado coa Deputación Provincial.
Tal e como explicou o rexedor o novo paseo terá entre 1,5 e 2 metros de ancho, dependendo da zona, ao longo de 819 metros de percorrido colindante coa estrada LU-P-1505, que une a Fábrica e as Antigas Naves de Fundición; pasando polo núcleo de Sargadelos.
Tal e como apuntou Villares o camiño terá varios tramos que discorrirán tanto pola marxe dereita como esquerda da estrada; en función do trazado. Ademais, tamén se construirá unha pasarela de madeira sobre o “Regato de Sargadelos”, para favorecer o tránsito peonil.
Tamén se considerou soterrar as liñas aéreas de baixa tensión e de teléfono baixo a nova zona peonil, co obxectivo de reducir así o impacto visual do cableado.
A alcalde apuntou que o comezo desta obra é unha moi boa nova para todos porque se trata dun tramo de dobre senso de circulación, estreito e sen apenas beiravía, polo que “con este paseo gañaremos moito en seguridade”, tendo en conta, ademais, que é unha zona moi transitada fundamentalmente polos propios veciños, pero tamén, sen dúbida, por moitos visitantes; porque non podemos olvidar que Sargadelos é un referente non só na provincia de Lugo, senón tamén fóra dos nosos límites; “polo que unha actuación desta natureza cremos que lle vai aportar un gran valor engadido a todo o Conxunto Histórico Artístico; xa que aqueles que nos visiten podarán desfrutar con seguridade dunha contorna excepcional como a que temos o privilexio de contar no noso Concello”.
Aínda que os técnicos se atoparon con algunha dificultade nas primeiras escavacións, a previsión é que o paseo estea finalizado e transitable antes do verán; “cando contaremos cun Conxunto Histórico Artístico con máis e mellores prestación; xa que este novo sendeiro virá sumarse á posta en funcionamento do Centro de Artesanía que estará ubicado no Antigo Edificio das Cabalerizas”; para o que recordamos que os artesáns interesados teñen ata comezos de ano para entregar toda a documentación requirida para poder optar a un dos 6 locais habilitados nestas instalacións.
O Concello de Cervo comezou o trazado do paseo peonil que unirá a fábrica de Sargadelos co conxunto histórico artístico
Relacionado
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
