NOTA DE PRENSA
O ANTERIOR GOBERNO DA DEPUTACION NUNCA ASUMIU O GASTO DA AMPLIACION DO MUSEO DO MAR COMO DI VILLARES
O organismo provincial limitouse a pedir ao concello a posta a disposición do solo nas condicións urbanísticas necesarias
Villares trata de tapar a súa incompetencia co Museo de Sargadelos con escusas de mal pagador
Cervo, 11 de xaneiro de 2010. O BNG de Cervo sae ao paso das declaracións do alcalde de Cervo, Alfonso Vilares nas que reclamaba un maior compromiso do goberno provincial co Museo do Mar para proceder á súa ampliación. Os nacionalistas tachan ao alcalde cervense de “mentiroso compulsivo”, xa que nunca o ente provincial gobernado polo PP asumiu a financiamento da ampliación do museo como di Villares, “limitouse a pedir ao concello a posta a disposición do solo necesario nas condicións urbanísticas axeitadas ao uso que se pretende”. Con anterioridade, tanto membros do goberno local como da Deputación, tiveron a cara dura de anunciar a inminente compra do solar anexo ao museo, cando o único que fixeron foi tensionar as relacións cos seus propietarios que buscaron ferramentas de defensa, entre elas a tramitación dun estudo de detalle para edificar.
Villares inventouse o financiamento do anterior goberno da Deputación para a compra do solar anexo ao Museo do Mar.
O BNG de cervo por medio do seu portavoz municipal, saíu ao paso das declaracións do alcalde cervense sobre un posíbel apoio económico para a compra do solar anexo ao Museo do Mar, que nunca existiu formalmente. O nacionalista esgrimiu un acordo da Xunta de Goberno da Deputación do 22 de abril de 2005, aínda gobernada polo PP, no que “non existía ningún compromiso económico para a compra desa parcela”, unicamente a petición ao concello de Cervo da posta a disposición dos terreos nas condicións urbanísticas axeitadas para o fin que se pretendía, e dicir, “o goberno da Deputación daquel momento, pedía ao goberno local a adquisición dor terreos, a modificación da súa normativa urbanística e despois xa se vería”. Aínda con este acordo na man, o alcalde cervense non tivo reparos en mentir ao Pleno da Corporación en setembro de 2007 e tamén ao conxunto da cidadanía cervense ao propoñer en base a este documento que o pleno instase ao ente provincial o financiamento total do proceso de ampliación do Museo. Estúa tachou ao goberno local de “mentirosos compulsivos”, “mentiron no 2003 cando anunciaron a inminente compra do solar anexo ao Museo, mentiron ao pleno de Cervo en setembro de 2007, cando daban por feito un financiamento que non existía, e seguen mentindo cando insisten nas mesmas mentiras”
Mentres o Museo do Mar segue aberto e ofrecendo actividades pola contra o Histórico de Sargadelos pecha co beneplácito do Alcalde.
Estúa denunciou que o alcalde trata de tapar a incapacidade do goberno local e da Consellaría de Cultura que permitiron o peche durante un mes do Museo Histórico de Sargadelos, “obviando que nesas datas había visitas programadas que deberon anularse”, o nacionalista insistiu en que “Villares non toma en serio as cousas e degrada coa súa actitude os recursos culturais e turísticos do concello”. Estúa contrapón que mentres o alcalde convida a dirixentes da Consellaría de Turismo e da Xunta a reunións en sedes de proxectos virtuais como o de “Terras azul cobalto”, desaproveita a oportunidade de difundir e requirir apoios para proxectos realistas e consolidados como e o Conxunto Histórico de Sargadelos e o seu Museo. “E unha mágoa, prosigue Estúa, que Villares no lugar de atender ao que lle compete, trate de tapar a súa incompetencia con escusas de mal pagador”, e lembrou que “o Museo do Mar mantívose aberto e con actividades durante o Nadal, aínda que Villares non o visite moito e non se interese polas súas exposicións e actividade preocupándose so para utilizalo como ferramenta política”. “O portavoz municipal nacionalista volveu demandar ao PP que non entorpezan o traballo dos actuais responsábeis da Deputación, xa que ao contrario do que sucedeu no pasado, traballan en serio e con rigor para a súa ampliación.”
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
