Lugo, 27 de decembro de 2017. O Deputado de Deportes, Pablo Rivera Capón, o Concelleiro de Deportes, Miguel Fernández Méndez, e o Presidente do Porta XI CB Ensino, Manuel Durán Ónega, presentaron este mércores no Pazo dos Deportes as actividades de Nadal que organiza o club de baloncesto lucense e coas que colaboran o Goberno da Deputación e do Concello de Lugo. Máis de 250 rapaces participarán nestas actividades que terán lugar nas instalacións do Pazo e inclúen: un campamento urbano para nenos e nenas de 3 a 7 anos; xornadas de tecnificación para rapaces e rapazas de 8 a 14 anos; un torneo de baloncesto no que participarán 16 equipos femininos, os días 29 e 30 de decembro; e un torneo 3×3 para pequenos e maiores que terá lugar o día 2 de xaneiro no Pazo.
O Goberno da Deputación achega 75.700 euros ao CB Ensino para sufragar os gastos da tempada e a organización destas actividades, así como a promoción do deporte feminino, pois o club é un claro exemplo de igualdade no ámbito deportivo. O Ensino está moi preto de cumprir catro décadas formando a numerosas promocións de xogadoras da provincia e manténdose durante este tempo na elite do deporte.
Rivera Capón subliñou que “colaboramos co Ensino na organización destas actividades para que continúe coa súa labor de fomento e promoción da actividade física e deportiva entre os máis pequenos durante as vacacións de Nadal, ofrecendo diferentes actividades deportivas, manuais, de entretemento e lecer, que lles permitan continuar realizando deporte e practicando baloncesto durante estas datas festivas. Ademais, facilitamos a conciliación da vida laboral e familiar a todos aqueles pais e nais que polas súas obrigacións teñan dificultade para atender aos seus fillos neste período de vacacións escolares en horario de mañá”.
Actividades para todas as idades
– NADAL ACTIVO: campamento urbano de mañá de 9 a 2 pero totalmente flexible con actividades culturais e deportivas para nenos e nenas de 3 a 7 anos. Dúas quendas do 22 ao 29 de decembro e do 2 ao 5 de xaneiro con posibilidade de días soltos.
– XORNADAS DE TECNIFICACIÓN EN BALONCESTO: adestramentos de baloncesto para nenos e nenas entre os 8 e 14 anos. Unha única quenda do 26 ao 29 de Decembro. Invitados relacionados co mundo do baloncesto e adestradores do club.
– X TORNEO FEMININO DE NADAL: Décima edición do torneo feminino de baloncesto que terá lugar os días 29 e 30 de decembro e no que se participan un total de 16 equipos e unhas 200 rapazas nas instalacións do Pazo provincial e anexos, celebrándose un total de 25 partidos. Haberá premios aos dous primeiros clasificados e premios individuais á MVP por categoría e ao mellor quinteto. Competirán clubs de León, Ponferrada, Vigo, Ferrol e Lugo.
– 3X3 DE ANO NOVO. Actividade de baloncesto recreativo para rapaces e rapazas de 12 a 17 anos. E para adultos a partir de 18. Celébrase o 2 de xaneiro no Pazo e Anexos. Os nenos de 12:00 a 18:00 horas e os adultos a partir das 18:00. As inscricións están abertas a través das canles oficiais do CB Ensino.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
