Lugo, 30 de xaneiro de 2018.- A voceira do Grupo Provincial do Partido Popular, Elena Candia, anunciou hoxe no debate da proposta relativa ao Consello Provincial de Turismo que para o próximo Pleno “levaremos unha iniciativa para que unha vez que conclúan os trámites para a constitución dos xeodestinos, a Deputación asuma a contía que deberían costear os concellos”.
É dicir, os concellos deberán poñer unha cantidade para o funcionamento da mancomunidade ou consorcio que xestionará o xeodestino. Esta cantidade económica poderá sufragala directamente o Concello ou ser a Deputación quen a asuma, tal e como demandarán os populares na súa proposta.
Na súa intervención, Elena Candia, anunciou o voto a favor do seu Grupo á proposta en relación ao Consello Provincial de Turismo, que “chega tarde, pero debemos ver o vaso medio cheo, polo que o aplaudimos e lle damos a benvida”. Neste senso, a popular lembrou que hoxe se aprobou no Pleno o regulamento dun Consello Provincial de Turismo, cuxa creación xa se propuxo polo Grupo Popular fai ano e medio. En concreto, no Pleno de maio de 2016 xa se aprobara por unanimidade a proposta do PP sobre a creación do Consello Provincial de Turismo e a aprobación do seu regulamento.
A voceira dos populares na Deputación tamén convidou ao Goberno provincial a crear un pacto entre todas as forzas políticas para que a implicación no desenvolvemento turístico se realice dentro do “entendemento e do traballo conxunto”. É dicir, os populares apostan por un pacto no que se abandone o debate político e “traballamos todos nunha mesma dirección”.
Suspenso en turismo
Elena Candia considera que o traballo do Goberno socialista na área de turismo ata a actualidade “merece un suspenso”, xa que primeiro aseguraron que non tiñan competencias, pero “nos defendemos que a provincia ten que ter o seu plan, e ten que haber uns feitos e uns traballos, porque hai orzamento para esta finalidade, tanto é así que no ano 2017, había máis dun millón de euros para o desenvolvemento de novas accións e impulso no sector”. Ademais, a popular criticou que a implicación da Deputación cos concellos en materia turística se reducise a aprobación de convenios excepcionais só con algúns municipios mentres limitou o importe que no Plan Único se destina en materia turística a todos os concellos”. Polo tanto, “obrigámoslles a que melloren o seu traballo, ofrecémoslle un traballo conxunto e buscamos a implicación con todos os concellos”.
A voceira dos populares tamén se amosou moi crítica co “descaro” amosado polo responsable de turismo na Deputación de Lugo que se “atreveu a mentir en asuntos, cuxas actas reflexan o contrario, ata o punto de asegurar, faltando á verdade, que o PP votara en contra dun proceso de selección, cando o certo é que os populares se abstiveron”.
Por último, Elena Candia tamén puxo en valor o traballo que se está a facer a prol do turismo no ámbito provincial da man doutras administracións e institucións, ata o punto de que os datos son históricos a nivel demanda.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
