Burela, 30 de xaneiro de 2017.- O Partido Popular de Burela vén de constituír a nova xestora que preside Manuel Rouco López. Foi a última tarde de onte, nunha xuntanza que estivo presidida pola presidenta provincial, Elena Candia, o secretario xeral, Carlos Armesto, e o coordinador do Partido na Mariña, José Manuel Balseiro.
Este proceso dá continuidade ao proceso iniciado no mes de decembro, unha vez que o ex presidente local do Partido, José María González Barcia, renunciou a seguir á fronte da agrupación. Deste xeito, no conxunto de persoas que acompañarán a Manuel Rouco atópanse os actuais concelleiros e o voceiro municipal, responsabilidade que, polo momento, seguirá exercendo o presidente saínte Jose María González Barcia.
A relación completa é a seguinte: Plácido Fra Mon, María José García Eiroá, José Luis González Arnau, Jenaro González Debasa, Aitor López Anello, Jasone Fátima Lorenzo Bahamonde, Yovana Oroza Castro, Alberto Ramos Arda, Alberto Rapa Martínez, José Casas Martínez, María Dolores Cociña Cabanas, Diana Durán García, María del Mar Fraga Fenández e José González Barcia.
Neste senso, tanto Elena Candia como José Manuel Balseiro tiveron palabras de agradecemento para os integrantes e o presidente da xestora, que supón “un paso adiante para encarar o camiño das municipais, e situar ao PP na alcaldía”. Deste xeito, manifestaron o seu convencemento de que “este equipo, e froito do seu traballo, contribuirán a paliar as notables eivas que presenta o actual Goberno local, converténdose así na alternativa ás medias verdades e á pouca acción dos dirixentes do Concello”, afirmaron.
Presidente dende decembro
Manuel Rouco López é o novo presidente da xestora do Partido Popular de Burela e, polo tanto, a persoa que tomou o relevo desta agrupación política. Graduado en Enxeñería Agrícola e do Medio Rural pola Universidade de Santiago de Compostela (campus de Lugo) dispón tamén a titulación de enxeñería técnica nesta mesma rama na especialidade de Mecanización Agraria e Construción Rural, ademais dun mestrado en Prevención de Riscos Laborais.
A maior parte da súa actividade profesional estivo relacionada coa dirección e execución de proxectos de infraestruturas en ámbitos medioambientais, de hidráulicas, forestais e de construción polo que dispón dunha ampla experiencia de xestión.
No ámbito político Manuel Rouco traballou en tarefas de asesoramento técnico na Deputación Provincial de Lugo na Delegación de Medio Rural, durante o tempo en que esta institución estivo presidida polo Partido Popular.
Malia que esta é a súa primeira experiencia política directa nun ámbito desta responsabilidade Manuel Rouco está a traballar intensamente para situar ao Partido na mellor posición para afrontar as próximas eleccións municipais nas que os populares de Burela aspiran a recuperar a confianza maioritaria dos veciños.
Constituída a xestora do Partido Popular de Burela, que preside Manuel Rouco López
Relacionado
-
A Xunta destaca en Entrepinares o valor da transformación de preto do 10% do leite galego para xerar riqueza e emprego no rural
-
“Eólica así non” denuncia o desamparo do Consello Xeral do Poder Xudicial e da presidencia do TSXG ante o traslado masivo de preitos eólicos a outra sección
-
A Xunta e o Concello de Castro de Rei Destinan 1,35 M€ para a modernización da estación potabilizadora de Quintela para garantir a máxima calidade da auga
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
