Lugo, 23 de febreiro de 2018.- O Grupo Provincial do PP denuncia que o presidente da Deputación de Lugo, o socialista Darío Campos, torpedea a apertura das residencias, en concreto a de Castroverde, a primeira lista para a súa posta en funcionamento, ao non fixar os prezos por praza. A Corporación aprobou no último Pleno unha moción a instancias do PP para que o Goberno Provincial fixara de maneira urxente os prezos por praza dos centros de atención á terceira idade acordes co fin do servizo social que prestan, baseados nos pertinentes informes técnicos, de cara a avanzar na súa pronta apertura.
Case un mes despois nada se sabe do cumprimento deste acordo plenario. A maiores, esta semana celebrouse un Consello de Administración de Suplusa no que o presidente da Deputación tampouco deu conta deste compromiso. Os populares aseguran que a loita interna que manteñen os socialistas Campos e Martínez está a poñer en risco “unha vez máis” a posta en funcionamento dos centros de maiores, ao tempo que ameazan as posibilidades laborais dos traballadores seleccionados e dos futuros usuarios dos centros.
“Parécenos unha irresponsabilidade que, pese a existir un acordo do Consello de Administración de Suplusa e un acordo da Corporación Provincial, a día de hoxe siga habendo sospeitas sobre a forma de xestión das residencias e nin foran capaces de dar a coñecer o prezo que vai ter unha praza nun centro de día ou nunha residencia”.
A alongada sombra de Besteiro
Os populares advirten tamén que no último Consello de Administración o presidente socialista pediu que quedara sobre a mesa a presentación da solicitude para abrir a residencia de Trabada e Guitiriz aludindo a informes que anulan encomendas de xestión ordenadas polo anterior presidente do PSOE, Gómez Besteiro pese a que lles serviron para a contratación de residencias como a de Meira.
“De novo as loitas de poder entre os socialistas están a lastrar a apertura das residencias na nosa provincia, polo que pedimos dilixencia e traballo nun momento no que gran parte dos centros están rematados”. Os populares consideran que o normal sería dispoñer de maneira inmediata dun borrador dos prezos públicos para este servizo como así se ten acordado cos concellos cos que se asinaron convenios para a posta en marcha das residencias.
Desde o Grupo Provincial do PP critican que os socialistas só estean áxiles cando teñen que saír para botarlle a culpa de todo á Xunta, pero non son tan rápidos cando teñen que cumprir cos seus compromisos. “É intolerable que as persoas que precisen desas prazas non saiban canto custa estar nesas residencias ou neses centros de día, polo que lles pedimos aclaralo cantos antes”, engaden.
Os populares lamentan que a provincia teña que seguir sufrindo os desencontros entre os membros do PSOE, polo que lles piden que deixen a un lado as súas guerras de poder a se centren nas necesidades reais dos veciños e veciñas.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).